ორლანდოს გეი კლუბზე თავდამსხმელის მამა ამბობს, რომ მან არ იცოდა თუ მის შვილს "გუშლი სიძულვილი" ჰქონდა.

ომარ მათინმა ორლანდოში (ფლორიდა) კვირას გამთენიისას გეიკლუბში 50 ადამიანი მოკლა და 53–ზე მეტი დაჭრა და ცეცხლსასროლი იარაღით ამერიკის მასობრივი მკვლელობების ბოლოდროინდელ ისტორიაში ერთ–ერთი ყველაზე საზარელი დანაშაული ჩაიდინა.

სადიყ მათინმა თქვა, რომ მას არ ესმის რატომ განახორციელა გასროლები მისმა შვილმა ღამის კლუბ Pulse–ში. უფრო ადრე მან განაცხადა, რომ მისი შვილი გაბრაზებული იყო მას შემდეგ, რაც მან მაიმიში დაინახა ორი მამაკაცი, რომლებიც ერთმანეთს კოცნიდნენ.

განცხადებაში, რომელიც ინტერნეტით გამოქვეყნდა და მისი მშობლიური ავღანელი ხალხისადმი იყო მიმართული, სადიყ მათინმა განაცხადა, რომ მის ვაჟი იყო "ძალიან კარგი ბიჭი", რომელსაც ჰყავდა ცოლი და შვილი და "თავისი ოჯახის მიმართ ძალიან პატივისცემით იყო განმსჭვალული." 

"მე არ ვიცი, რა იყო ამის მიზეზი. მე არასდროს არ დამიშვია, რომ მას ჰქონდა სიძულვილი თავის გულში.... მე ღრმად ვარ დამწუხრებული და ამის თაობაზე შეერთებული შტატების მოსახლეობას განვუცხადე."

მან დაამატა, რომ არ იცის, თუ რატომ ჩაიდინა მისმა შვილმა ამგვარი ქმედება რამადანის თვეში – ისლამური სამყაროს ამგვარ წმინდა თვეში.

ე. წ. ისლამურმა სახელმწიფომ, რომელმაც განცახადა, რომ თავად იდგა აღნიშნული თავდასხმის უკან, მოუწოდა მის რიგებში გაწევრიანებულ მუსლიმებს რამადანის პერიოდში დასავლეთზე თავდასხმები განახორციელონ.

კვირას სედიყ მათინმა განაცხადა: "ჩვენ მთელი ამ ინციდენტის გამო ბოდიშს ვიხდით. ჩვენ შოკირებული ვართ ისევე, როგორც მთელი ქვეყანა."