აფხაზეთის ე.წ. ხელისუფლება სოხუმის მერის რუსეთთან დაკავშირებით გაკეთებულ განცხადებას ეხმაურება. როგორც დე ფაქტო თავდაცვის მინისტრმა, ვლადიმერ არშბამ აღნიშნა, განცხადებები იმის შესახებ, რომ რუსეთმა აფხაზეთის ტერიტორიაზე სამხედრო ბაზის განთავსების სანაცვლოდ ფული უნდა გადაიხადოს, ყოვლად მიუღებელია.
„ქალაქის პრობლემებს მიხედოს, ხოლო საგარეო პოლიტიკის და უსაფრთხოების საკითხებს სხვა ადამიანები მიხედავენ“, - ასე უპასუხა არშბამ ხაზარიას განცხადებას.
ადგურ ხაზარიამ რუსეთის ფედერაციის მიერ აფხაზეთის მიმართ გატარებული პოლიტიკისადმი ღია უკმაყოფილება გაზეთ НУЖНАЯ ГАЗЕТА –სთვის მიცემულ ინტერვიუში გამოხატა.
სოხუმის მერი რუსეთის ხელისუფლებისაგან აფხაზეთის ტერიტორიაზე განთავსებული სამხედრო ბაზებისთვის ფინანსური საფასურის გადახდას ითხოვს, რადგან მისი თქმით, "უზარმაზარ ტერიტორიაზე" განლაგებული რუსული ბაზები, პირველ რიგში არა აფხაზეთს, არამედ თავად რუსეთს იცავენ ნატოს–აგან.
გამოცემასთან მერის ინტერვიუს ძირითადი ნაწილი ქალაქის საყოფაცხოვრებო პრობლემებს, მათი გადაწყვეტის გზებსა და ადმინისტრაციული რეფორმების საჭიროებას ეხება. სწორედ აღნიშნულ კონტექსტში ისაუბრა ხარაზიამ "აფხაზეთი-რუსეთის ურთიერთობების ცივილიზებულ სიბრტყეში" გადაყვანაზე.
"ჩვენ გვესაჭიროება 300 კმ წყალგაყვანილობის სისტემის მილების შეცვლა, ასფალტის დაგება, სახურავების შეცვლა და ა.შ ჩემთან მუდმივად მოდიან ადამიანები ან აგზავნიან წერილებს და მოითხოვენ თავიანთი საცხოვრებელი სახლების სახურავების რემონტს, იქ სადაც ეს შესაძლებელია, ჩვენ ამას ვაკეთებთ, სადაც შეცვლაა საჭირო, იქ ვცვლით მთლიანად, მაგრამ ზოგან თანხების უქონლობის გამო, ბევრი ქალაქისთვის სასიცოცხლო პრობლემის გადაჭრას ვერ ვახერხებთ"- განაცხადა მერმა.
ჟურნალისტის შეკითხვაზე, თუ საიდან უნდა მოიტანონ ეს თანხები, მერმა უპასუხა, რომ "ერთი მხრივ, ჩვენ საკუთარ ძალებზე ვაკეთებთ გათვლებს, ხოლო მეორე მხრივ, რუსეთთან ურთიერთობა უფრო გამჭვირვალე უნდა გავხადოთ".
"ჩვენთვის კაპიკების გადახდით ისინი ჩვენი ტერიტორიის უზარმაზარი ნაწილით სარგებლობენ, იმ ნაწილით, რომელიც ჩვენ მათ სამხედრო ბაზების განსათავსებლად დავუთმეთ. მათ ეს ბაზები არამხოლოდ ჩვენს დასაცავად განათავსეს, არამედ პირველ რიგში, ეს ბაზები ნატო-სგან რუსეთის დასაცავად სჭირდებათ. რატომ არ უნდა მოვთხოვოთ მათ თანხების გადახდა? რატომ არ უნდა გადავიყვანოთ ჩვენი ურთიერთობები ცივილიზებულ სიბრტყეზე? მთელი მსოფლიო ასე ცხოვრობს. რატომ უნდა დავამკვიდროთ განსაკუთრებული წესები რუსეთისა და აფზაზეთის ურთიერთობებში?", - აღნიშნა მერმა გამოცემასთან ინტერვიუში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.