ქობულეთის მუნიციპალიტეტის უმთავრეს პრიორიტეტს მიმდინარე წელს სოფლებში წყალსადენი სისტემის მშენებლობა-რეაბილიტაცია წარმოადგენს, - აღნიშნული განცხადება guardian.ge-სთან საუბრისას მუნიციპალიტეტის გამგებელმა, სულხან ევგენიძემ გააკეთა.
ევგენიძის ცნობით, 2016 წლის განმავლობაში, წყალსადენი სისტემების სარეაბილიტაციო სამუშაოების განსახორციელებლად, გამგეობა 10 მლნ ლარზე მეტს დახარჯავს.
“ამჟამად, ახალი წყალსადენი სისტემა ეწყობა ქაქუთის, ჩაისუბნის, საჩინოს, აჭყვისთავის, ზენითის, ალამბრის, მუხაესტატეს, ჭახათის, ლეღვას, ხუცუბნის ადმინისტრაციულ ერთეულებში და ჩოლოქის დასახლებაში. ასევე წყლის ახალი სისტემა მოეწყობა თამარ მეფის სანაპიროზეც, რომლის სამუშაოები ტურისტული სეზონის დასრულების შემდეგ დაიწყება.
იმის გამო, რომ სამუშაოები პარალელურად რამდენიმე წყალსადენ სისტემაზე მიმდინარეობს, ხშირია შეფერხებები, რის გამოც მოსახლეობას ბოდიშს ვუხდით. ამორტიზებული სათავე-ნაგებობები, მოძველებული ცენტრალური მაგისტრალი და შიდა ქსელი ათეწლეულების მანძილზე მოსახლეობის სამართლიანი პროტესტის მიზეზი იყო. პრობლემა გვალვების დროს უფრო მძიმდებოდა, რაც ძირითადად წყლის დებეტის ნაკლებობით იყო გამოწვეული. რეაბილიტირებული წყალსადენი სისტემა კი მსგავს პრობლემას აღმოფხვრის” - აღნიშნა სულხან ევგენიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.