პარტია „მრეწველების“ ლიდერის, გოგი თოფაძის განცხადებით, იყრის თუ არა კენჭს მაჟორიტარ დეპუტატად ეს ჯერ არ გადაუწყვეტია.

როგორც მან guardian.ge-სთან საუბრისას აღნიშნა, „მრეწველებს“ პარლამენტში მოსახვედრად, 5%-იანი ბარიერის გადალახვა არ გაუჭირდება.

„5%-ინი ზღვარის გადალახვა ჩვენთვის პრობლემა არ არის“,-განაცხადა მან.

კითხვაზე „ქართული ოცნება“ ხელისუფლებაში უმრავლესობით მოვა თუ კოალიციური მთავრობის შექმნა იქნება საჭირო, თოფაძე ამბობს, რომ ეს „ქართული ოცნების“ "გადასაწყვეტია".

რაც შეეხება ყოფილი პრემიერ მინისტრის, ბიძინა ივანიშვილის განცხადებას, რომ „ქართული ოცნება“ პარლამენტში საშუალოდ 95 დეპუტატით მოვა, აღნიშნულთან დაკავშირებით თოფაძე განმარტავს, რომ ივანიშვილი პრაგმატული კაცია და ტყუილი არასდროს უთქვამს.

„რესპუბლიკური პარტიის“ ლიდერების მხრიდან ხელისუფლების მისამართით ბოლო პერიოდში გაკეთებულ კრიტიკულ განცხადებებთან დაკავშირებით დასმულ კითხვაზე, ინარჩუნებდნენ უნდა თუ არა "რესპუბლიკელი" მინისტრები პოსტებს ასეთი განცხადებების ფონზე –მან თქვა, რომ ამის კომენტირება მის კომპეტენციაში არ შედის.

„ეს ჰკითხეთ პრემიერ-მინისტრს. ეს არ არის ჩემი კომპეტენცია“,-განაცხადა თოფაძემ.