პარტია „ერთიანი ნაციონალური მოძრაობის“ ერთ-ერთი წევრის, დავით დარჩიაშვილის განცხადებით, თბილისის საერთაშორისო აეროპორტში მომხდარ ინციდენტზე, სადაც ტელეკომპანია „რუსთავი 2“-ის გადამღები ჯგუფი იმყოფებოდა, ხელისუფლებას ეკისრება პასუხისმგებლობა.
„ეს არის ცალსახა ერთმნიშვნელოვანი პასუხისმგებლობა ამ ხელისუფლების, რომლის პირობებში ძალადობა ზოგადად და სპეციალურად კიდევ წინასაარჩევნო პერიოდში არის წახალისებული. ჰოდა, იყო ახლა ეს თავდასხმა სპონტანური თუ იყო წინასწარ დაგეგმილი, ამას აქვს მესამეხარისხოვანი მნიშვნელობა. ფაქტია, რომ ასეთი რამეები არ აღიკვეთება, არ ისჯება, ამის არც პრევენცია ხდება და არც მერე პასუხისმგებლობის ადეკვატურად მოთხოვნა და ხშირ შემთხვევაში არის პირდაპირ წახალისებული ხელისუფლების წარმომადგენლების მხრიდან“, - განაცხადა დარჩიაშვილმა.
შინაგან საქმეთა სამინისტროს საპატრულო პოლიციის თანამშრომლებმა თბილისის საერთაშორისო აეროპორტში ცემის ფაქტზე ერთი პირი გამოავლინეს.
უწყების ცნობით, მიმდინარე წლის 19 ივნისს, თბილისის საერთაშორისო აეროპორტის მოსაცდელ დარბაზში, მას შემდეგ, რაც ტელეკომპანია „რუსთავის 2“-ის გადამღებმა ჯგუფმა პროფესიული საქმიანობა დაასრულა, აღნიშნული ტელეკომპანიის ოპერატორ გიორგ ც.-ს მოქალაქე ალექსანდრე ს.-მ სიტყვიერი შეურაცხყოფა მიაყენა და შემთხვევის ადგილს გაეცალა.
როგორც შსს-ს განცხადებაშია ნათქვამი, გამოძიებით დადგინდა, რომ მას გიორგი ც. დაედევნა და ფიზიკური შეურაცხყოფა მიაყენა, რის შემდეგაც მათ შორის სიტყვიერი და ფიზიკური დაპირისპირება დაიწყო.
„კონფლიქტის ადგილზე ამ დროს იმყოფებოდნენ ტელეკომპანია „რუსთავი 2“-ის ჟურნალისტი და საქართველოს პარლამენტის ერთ-ერთი წევრი. ამ უკანასკნელის განცხადებით, როდესაც იგი მობილური ტელეფონით ცდილობდა კონფლიქტის გადაღებას, ალექსანდრე ს.-ს თანმხლებმა ქალბატონმა თამარ ლ.-მ, პროტესტის ნიშნად, მას სიტყვიერი და ფიზიკური შეურაცხყოფა მიაყენა. პარლამენტარმა სამედიცინო დახმარებაზე უარი განაცხადა“,-აცხადებენ უწყებაში.
სამართალდამცველებმა ცემის ფაქტზე 1970 წელს დაბადებული თამარ ლ. გამოავლინეს. რაც შეეხება გიორგი ც.-ს და ალექსანდრე ს.-ს, ორივე პირი გამოკითხულია და წინასწარი მონაცემებით, მათ ერთმანეთის მიმართ პრეტენზია არ გააჩნიათ.
აღნიშნულ ფაქტთან დაკავშირებით გამოძიება სსკ-ს 125-ე მუხლით (ცემა) მიმდინარეობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.