„ჩვენ არ ვაპირებთ ამ შენობიდან გასვლას იმ გადაწყვეტილებების საფუძველზე, რომელიც არ ემყარება კანონს და კონსტიტუციას“,-განაცხადა  ტელეკომპანია „რუსთავი 2“-ის გენერალურმა დირექტორმა, ნიკა გვარამიამ დღეს გამართულ ბრიფინგზე.

მისი თქმით, ხელისუფლებას მოუწევს, „რუსთავი 2“-თან ერთად ჩაატაროს საპარლამენტო არჩევნები.

„ჩვენ არ ვაპირებთ ამ შენობიდან გასვლას იმ გადაწყვეტილებების საფუძველზე, რომელიც არ ემყარება კანონს და კონსტიტუციას და პირიქით, არღვევს ყველა კანონს და კონსტიტუციას. თუ გნებავთ ჩვენი დასისხლიანებული სახეების ყურება დარბევის შედეგად, თქვენ მიიღებთ ამ სახეებს და ამას ნახავს საქართველოს მოსახლეობა პირდაპირ ეთერში, მაგრამ ჩვენ აქედან არ გავალთ. მოგიწევთ ამ სახეების ყურება, მოგიწევთ „რუსთავი 2“-თან ერთად არჩევნების ჩატარება და როგორც ჩანს, არჩევნების წაგება, იმიტომ რომ ყველაფერს აკეთებთ, რომ "რუსთავი 2" არ იყოს ეთერში საარჩევნოდ. ეს მაფიქრებინებს, რომ ზუსტად იცით, რომ თუ „რუსთავი 2“ ეთერში იქნება ოქტომბრამდე, თქვენი არჩევნების ბედი გადაწყვეტილია. ყველა ინდიკაცია არის საიმისოდ, რომ ხელისუფლება სწორედ ასე ფიქრობს“,-განაცხადა გვარამიამ.