დიდ ბრიტანეთში ისტორიული რეფერენდუმი ტარდება. ბრიტანელი ამომრჩეველი დღეს (23 ივნისი, 2016) გადაწყვეტს დარჩება თუ არა ქვეყანა ევროკავშირში. საარჩევნო უბნები ადგილობრივი დროით 07:00 საათიდან 22:00 საათამდე იქნება გახსნილი.

როგორც BBC იუწყება, საარჩევნო კომისიის მიერ რეკორდულად მაღალი – 46, 499, 537 ადამიანია დარეგისტრირებული ხმის მისაცემად, ეს კი დიდი ბრიტანეთის ისტორიაში მხოლოდ მე–3 ეროვნული რეფერენდუმია.

რეფერენდუმის ბიულეტენზე ერთი შეკითხვაა დატანილი: "უნდა დარჩეს დიდი ბრიტანეთი ევროკავშირში თუ უნდა დატოვოს მან ევროკავშირი?"

გამარჯვებულად მიიჩნევა ის მხარე, რომელიც ხმების ნახევარზე მეტს მიიღებს.

რეფერენდუმის დღეს ამინდის პროგნოზი შერეულია. სამხრეთ–აღმოსავლეთ ინგლისში კოკისპირული წვიმაა მოსალოდნელი, რომელიც დღის განმავლობაში მოგვიანებით მშრალ ამინდში გადაიზრდება.

ჩრდილოეთ ირლანდიასა და შოტლანდიაში როგორც მზეს, ისე თავსხმა წვიმას მოელიან, სხვა ადგილებში კი მშრალი ამინდი იქნება.

მას შემდეგ რაც ადგილობრივი დროით 22:00 საათზე საარჩევნო უბნები დაიხურება, დალუქული საარჩევნო ყუთები შეგროვდება და მათში განთავსებული ბიულეტენების დათვლის მიზნით აღნიშნული ყუთების სპეციალურ ადგილას ტრანსპორტირება განხორციელდება. ეს წარმოადგენს 380 ადგილობრივ სამთავრობო ადგილებს ინგლისში, შოტლანდიაში და უელსში, პლუს ერთს თითოეულში – ჩრდილოეთ ირლანდიაში და გიბრალტარზე.

ამის შემდეგ, ინდივიდუალური ადგილების მიხედვით, შედეგები მთელი ღამის განმავლობაში გამოცხადდება, 11 რეგიონული დათვლების რეგიონულ შედეგებთან ერთად.

საარჩევნო კომისია ვარაუდობს, რომ საბოლოო შედეგებს საზოგადოებას პარასკევს "დაახლოებით საუზმის დროისათვის" აცნობებს.