კანონმდებლებმა „საქართველოს სისხლის სამართლის საპროცესო კოდექსში“ შესატან ცვლილებებს, რომლის მიხედვით, იცვლება ნაფიც მსაჯულთა სასამართლოსთან დაკავშირებული მთელი რიგი რეგულაციები, ერთხმად დაუჭირეს  მხარი.

განისაზღვრა ნაფიც მსაჯულთა სასამართლოს ტერიტორიული განსჯადობა, კერძოდ, ნაფიც მსაჯულთა სასამართლო იქმნება თბილისის, ქუთაისის, ბათუმის და რუსთავის საქალაქო, ასევე ზუგდიდის, თელავისა და გორის რაიონულ სასამართლოებში.

შეიცვალა ნაფიც მსაჯულთა შერჩევის პროცედურები და წესი.

ახლებურად ჩამოყალიბდა ნაფიც მსაჯულთა შეუთავსებლობის საკითხები.

განისაზღვრა ნაფიც მსაჯულთა აცილების გარემოებები, დაზუსტდა მათ მიერ გადაწყვეტილების მისაღებად კენჭისყრის აუცილებელი რაოდენობები კონკრეტული ვითარების არსებობისას.

დაზუსტდა ნაფიც მსაჯულთა სასამართლოს განსახილველი საქმეები წარდგენილი ბრალდების მიხედვით. ასევე, დაზუსტდა შესაბამისი რეგულაციებიც.