კანონმდებლებმა ერთხმად დაუჭირეს მხარი „საარჩევნო პერიოდში ეთიკის წესების შესახებ“ საქართველოს პარლამენტის განცხადების პროექტს, რომელიც სხდომაზე პარლამენტის წევრმა ვიქტორ დოლიძემ წარადგინა.

საქართველოს პარლამენტის განცხადების პროექტის შესაბამისად, დაცული უნდა იქნეს დადგენილი ქცევის წესები და ეთიკური სტანდარტები: პოლიტიკურმა პარტიებმა უნდა იმოქმედონ კონსტიტუციის, საქართველოს კანონმდებლობის, საარჩევნო კოდექსის, დემოკრატიული მმართველობის პრინციპების შესაბამისად.

აღნიშნული განცხადებით, საქართველოს პარლამენტი აღიარებს საჯარო სამსახურების დეპოლიტიზირების მნიშვნელობას და ადმინისტრაციული რესურსების საარჩევნო მიზნით გამოყენების მიუღებლობას.

პარლამენტი მედია საშუალებებებს მოუწოდებს, დაიცვან არჩევნებში მონაწილე პოლიტიკური სუბიექტებისადმი თანაბარი მოპყრობის პრინციპები. ასევე, ხაზს უსვამს სასამართლოს განასაკუთრებულ როლს საარჩევნო დავებთან დაკავშირებით. აღიარებს პოლიტიკური პარტიების კონკრეტულ უფლებებს და თავისუფლებებს, მოუწოდებს პოლიტიკურ პარტიებს უარი თქვან სიძულვილის ენაზე ნებისმიერი ფორმის ძალადობაზე. ამასთან, აღიარებს საჯარო სამსახურების, დეპოლიტიზირების მნიშვნელობას და ადმინისტრაციული რესურსების საარჩევნო მიზნით გამოყენების მიუღებლობას. მოუწოდებს მედია საშუალებებს დაიცვან არჩევნებში მონაწილე პოლიტიკური სუბიექტებისადმი თანაბარი მოპყრობის პრინციპები. ხაზს უსვამს სასამართლოს განსაკუთრებულ როლს საარჩევნო დავებთან დაკავშირებით.

ვიქტორ დოლიძის განმარტბით, განცხადებას პარლამენტში ყველა პოლიტიკური სუბიექტი შეუერთდა, გარდა „ერთიანი ნაციონალური მოძრაობისა“.

„გადავწყვიტეთ აღნიშნული დოკუმენტი ყოფილიყო არა პარლამენტის დადგენილება არამედ, პარლამენტის განცახდება, რათა არასაპარლამენტო ოპოზიციასაც ჰქონოდა შესაძლებლობა შეერთებოდნენ აღნოიშნულ განცხადებას“, - აღნიშნა ვიქტორ დოლიძემ.