კულტურის და ძეგლთა დაცვის მინისტრის, მიხეილ გიორგაძის განცხადებით, ბათუმში maroon 5 -ის კონცერტის დროს, ხალხის დიდი რაოდენობით ჩასვლისთანავე შეიქმნა გარკვეული შეფერხებები სხვადასხვა ობიექტებზე, რიგებთან დაკავშირებით.

„მიუხედავად იმისა, რომ ბათუმში maroon 5 -ის კონცერტის დროს ხარვეზები იყო, ეს ის გამოცდილებაა, რომელიც მომავალში სერვისების დახვეწაში დაგვეხმარება. თუმცა, მე პირადად ამას განვიხილავ, როგორც პოზიტიურ გამოცდილებას, იმიტომ, რომ ეს არის გამოცდილება, რომელიც კერძო სექტორმა შეიძინა. ეს გახლავთ ის გამოცდლება, რომლის საფუძველზე შემდეგ ჯერზე კერძო სექტორი კიდევ უკეთესად მოემზადება“,-განაცხადა გიორგაძემ.

მან ასევე აღნიშნა, რომ საზღვარგარეთ, ბვერად უფრო დიდი გამოდილების და ეკონომიკურად ბევრად უფრო განვითარებულ ქვეყნებშიც ხდება შეფერხებები.

„გარწმუნებთ, მე თავად ვარ მომსწრე საზღვარგარეთ, ბვერად უფრო დიდი გამოდილების და ეკონომიკურად ბევრად უფრო განვითარებულ ქვეყნებში შეფერხებები ხდება იგივე რიგებთან დაკავშირებით. ალბათ, გულუბრყვილობა იქნებოდა იმის მოლოდინი გვქონოდა, რომ ყველაფერი იდეალურად მოხდებოდა. ამ მასშტაბის ღონისძიება, ვიზიტორების ამ მასშტაბის ერთდროული მოზღვავება პრაქტიკულად პირველად მოხდა ბათუმში. ყველამ კარგად ვიცით, ყველა სასტუმრო დაკავებული იყო და დაკონსერვებულ ბინებშიც კი ჩატარდა სასწრაფო რემონტი და ისინიც გაქირავდა“, -განაცხადა მიხეილ გიორგაძემ.