შეერთებული შტატების ოფიციოზის განცხადებით, პენტაგონი მომავალი თვიდან გააუქმებს აკრძალვას ღიად ტრანსგენდერი პერსონალის არმიაში მსახურებასთან დაკავშირებით. ამის შესახებ BBC წერს.
თავდაცვის მდივანმა ეშტონ კარტერმა რეგულაციას სამხედრო სფეროსთვის დრომოჭმული და საზიანო უწოდა.
ამ განცხადებამ მოწონება დაიმსახურა ტრანსგენდერი პირების უფლებათა დამცველებში.
აღნიშნულ გადაწყვეტილებას წინ უძღოდა შეერთებული შტატების არმიის მდივნის პოსტის ერიკ ფანინგის მიერ დაკავება. იგი პირველი ღია გეი პერსონაა, რომელიც მთავარი სამოქალაქო ოფიციალური პირი გახდა ამერიკის სამხედრო სამსახურში.
ამერიკის შეერთებულმა შტატებმა ღიად გეი და ლეზბიანი პერსონალისთვის სამხედრო უწყებებში მსახურების აკრძალვა 2011 წელს გააუქმა.
ბოლო გამაუქმებელი გადაწყვეტილება საჭიროებს შეერთებული შტატების თითოეული სამხედრო დანაყოფის მხრიდან ახალი პოლიტიკის განხორციელებას, რაც მოიცავს ახალწვეულებისადმი განსხვავებულ მიდგომებს, საცხოვრებელი პირობების და უნიფორმების საკითხების მოგვარებას ტრანსგენდერი პერსონალისთვის, აღნიშნულია ოფიციალურ განცხადებაში, რომელსაც შეერთებული შტატების მედია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.