„ქართული ოცნების“ წინასაარჩევნო პროგრამა მზადდება და მასში ჩაიდება ახალი დაპირებებიც, ეს იქნება რეალისტური დაპირებები, რომლებიც აუცილებლად შესრულდება მომდევნო ოთხი წლის განმავლობაში“,-განაცხადა „ქართული ოცნების“ აღმასრულებელმა მდივანმა, ირაკლი კობახიძემ განაცხადა.

მისი თქმით, დაპირებები შეეხება ყველა მიმართულებას, მათ შორის პენსიების საკითხსაც.

„ეს შეეხება ყველა მიმართულებას, მათ შორის პენსიების საკითხსაც, არამარტო საპენსიო განაკვეთს, არამედ იმ საპენსიო რეფორმას, რომელზეც მთავრობა მუშაობს“,-განაცხადა კობახიძემ.

ირაკლი კობახიძე დღეს „ქართული ოცნების“ წინასაარჩევნო პროგრამის ეკონომიკური მიმართულებასთან დაკავშირებით, ეკონომიკური პროფილის ექსპერტებს ხვდება.

„ჩვენი პარტია აქტიურად მუშაობს წინასაარჩევნო პროგრამის მომზადებაზე. დღეს გვაქვს სამუშაო შეხვედრა ეკონომიკური პროფილის ექსპერტებთან და მათთან ერთად განვიხილავთ ჩვენი პროგრამის ეკონომიკურ ასპექტებს“,-აღნიშნა მან.

მისივე განცხადებიტ, „ქართული ოცნების“ საარჩევნო სიებთან დაკავშირებით ნაწილობრივი სწორი და ნაწილობრივ არასწორი ინფორმაციები ვრცელდება და ყველაფერს საზოგადოება მიმდინარე თვეში გაიგებს.