დიდი ბრიტანეთის აქციები და გირვანქა სტერლინგი "Brexit"–ის კენჭისყრის შემდეგ დაკარგულ პოზიციებს იბრუნებენ. სამშაბათს FTSE 100 –ის აქციების ინდექსი 2.6%–ით გაიზარდა და ადრე დილით ვაჭრობისას 1.8%–ით მაღლა იდგა და 6,253.07–ს შეადგენდა. FTSE 250 ინდექსი კი, რომელიც დიდი ბრიტანეთზე ფოკუსირებულ კომპანიებს მოიცავს, 1.1%–ით გაიზარდა. სამშაბათს ის 3.6%–ით მაღალ ნიშნულს მიუახლოვდა.

ფუნტი დოლართან მიმართებაში 0.4%–ით იყო გაზრდილი და 1.3398 აშშ დოლარს შეადგენდა, მაგრამ ის კვლავ რეფერენდუმის შემდეგ ჩამოსულ დაბალ ნიშნულზე რჩება.

ხუთშაბათს, 23 ივნისს, რეფერენდუმის დღეს, შედეგის გამოქვეყნებამდე გირვანქა სტერლინგს მძლავრი პოზიცია ეკავა და 1 ფუნტი სტერლინგის ღირებულება 1.50 აშშ დოლარი იყო. ორშაბათს სტერლინგი დოლართან მიმართებაში 31 წლის მანძილზე ყველაზე მეტად გაუფასურდა.