უკვე მე–2 დღეა ბრიუსელში ევროკავშირის სამიტი მიმდინარეობს. ორგანიზაციის ლიდერები დიდ ბრიტანეთს აფრთხილებენ, რომ მას, როგორც გამონაკლისს, ერთიან ბაზარზე შესვლის შესაძლებლობა არ ექნება.
ევროკომისიის პრეზიდენტმა ჟან–კლოდ იუნკერმა განაცხადა, რომ ნებისმიერი ის ქვეყანა, "გამონაკლისების გარეშე", ვინც კი ევროკავშირის ბაზარზე შესვლას ელოდება, კრიტერიუმების ერთგული უნდა დარჩეს.
"არ იქნება მოლაპარაკებები შეტყობინების გარეშე", განაცხადა მან.
იგივე განცხადებები გააკეთეს გერმანიის და საფრანგეთის ლიდერებმა და ევროპის საბჭოს პრეზიდენტმა დონალდ ტუსკმა. ამ უკანასკნელმა აღნიშნა, რომ 16 სექტემბერს ბრატისლავაში "Brexit"–თან დაკავშირებით შედგება ევროკავშირის ლიდერების მორიგი შეხვედრა, დიდი ბრიტანეთის გამოკლებით.
გერმანიის კანცლერმა ანგელა მერკელმა აგრეთვე გაიმეორა, რომ დიდ ბრიტანეთთან განხილვები მანამ არ გაიმართება, სანამ ბრიტანეთის მთავრობა ლისაბონის ხელშეკრულების 50–ე მუხლით ნაკისრი ვალდებულებების შესრულებას არ დაიწყებს.
"ჩვენ გვსურს, რომ ეს რაც შეიძლება მალე მოხდეს," განაცხადა კანცლერმა.
სამშაბათის სამიტი ბრიუსელში დევიდ ქამერონისთვის ბოლო სამიტი იყო, რადგან მან 24 ივნისს განაცხადა, რომ ოქტომბერში პრემიერ მინისტრის პოსტს დატოვებს. ამგვარი რამ კი 40 წელზე მეტი ხნის განმავლობაში არ მომხდარა, წერს BBC.
სამშაბათს ქამერონმა განაცხადა, რომ დანარჩენ ევროპას სურდა ჰქონოდა "უახლოესი შესაძლებელი" ურთიერთობა დიდ ბრიტანეთთან, მისი ევროკავშირიდან გასვლის შესახებ მიღებული გადაწყვეტილების შემდეგ. მაგრამ, მისი თქმით, ემიგრაცია "დიდი წუხილის საგანი" იყო დიდი ბრიტანეთის ამომრჩევლისათვის, დაამთხვია რა ეს ევროკავშირის ერთიან ბაზარზე ხელმისაწვდომობის თემას, რაც ქამერონის აზრით, "დიდი გამოწვევა" იქნება.
ევროკომისიის პრეზიდენტმა ჟან კლოდ იუნკერმა განაცხადა, რომ დიდ ბრიტანეთს არ აქვს "თვეები ფიქრისათვის" 50–ე მუხლთან დაკავშირებით სამოქმედოდ.
"თუკი ვინმე დარჩენის კამპანიის წარმომადგენელი გახდება პრემიერ მინისტრი, ეს უნდა მოხდეს მისი დანიშვნიდან 2 კვირაში," განაცხადა მან.
"თუკი მომავალი პრემიერ მინისტრი დატოვების კამპანიის ბანაკიდან იქნება, ეს უნდა მოხდეს მისი დანიშვნიდან მეორე დღესვე".
ქამერონმა ჟურნალისტებს განუცხადა, რომ განხილვები "წყნარი, კონსტრუქციული და მიზანმიმართული" იყო.
მან აღნიშნა, რომ მოლაპარაკებებისას დიდი ბრიტანეთის მიერ ბლოკის დატოვების გადაწყვეტილებისადმი "უნივერსალური პატივისცემა" იყო გამოხატული, მიუხედავად "მწუხარებისა და სინანულის ტონისა".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.