“მინდა გითხრათ, რომ ეროვნულ ვალუტასთან დაკავშირებით ჩვენ გავაკეთეთ სერიოზული ანალიზი და გამოვაქვეყნეთ. მინდა სრული პასუხისმგებლობით გითხრათ, საქართველოს ბიუჯეტს არც 2014 წლის ბოლოს და არც, მითუმეტეს, 2015 წლის დასაწყისში ლარის გაცვლით კურსზე ზეგავლენა არ ჰქონია”, – ამის შესახებ ჟურნალისტებს ფინანსთა მინისტრმა ნოდარ ხადურმა განუცხადა.

მისივე თქმით, საქართველოში ხდება ის პროცესები, რომელიც მთელ მსოფლიოში მიმდინარეობს.

„უნდა აღინიშნოს ძალიან ცალსახად, რომ ქართული ვალუტის პოზიციების დათმობა არის გაცილებით უფრო ნაკლები, ვიდრე არის ჩვენს მეზობელ, და არა მარტო მეზობელ ქვეყნებში”, – განაცხადა ხადურმა.

ეროვნული ბანკის მიერ დადგენილი ოფიციალური გაცვლითი კურსის მიხედვით, 1 დოლარის შეძენა 2,0311 ლარად არის შესაძლებელი.