„ეშინიათ ჩემი“,-ასე ეხმაურება „ერთიანი ნაციონალური მოძრაობის“ ერთ-ერთი წევრი გიგი წერეთელი, ეუთო-ს საპარლამენტო ასამბლეის საპრეზიდენტო არჩევნებთან დაკავშირებით, „ქართული ოცნება -დემოკრატიული საქართველოს“ მიერ გავრცელებულ განცხადებას.
გიგი წერეთელი ფიქრობს, რომ ეუთო-ს საპარლამენტო ასამბლეის საპრეზიდენტო არჩევნებში სწორედ ის გაიმარჯვებს.
„ქართულმა ოცნებამ“ სამარცხვინო მარათონი წამოიწყო ჩემი და ევროპის სახალხო პარტიის წინააღმდეგ მათ ეშინიათ ჩემი, რომ არ გავხდე პრეზიდენტი. ეს ევროპული სტანდარტისთვის არის მიუღებელი“,- განაცხადა წერეთელმა.
როგორც „ქართული ოცნება - დემოკრატიული საქართველოს“ განცხადებაშია აღნიშნული, პარტია არ უჭერს მხარს ეუთო-ს საპარლამენტო ასამბლეის პრეზიდენტის თანამდებობაზე გიგი წერეთლის არჩევას და არ აპირებს კენჭისყრაში მის სასარგებლოდ ხმის მიცემას. განცხადებაში ასევე აღნიშნულია, რომ გიგი წერეთელი ზედიზედ ორჯერ იყო არჩეული ეუთოს საპარლამენტო ასამბლეის ვიცე-პრეზიდენტის თანამდებობაზე და იგი ამ პოზიციას აქტიურად იყენებდა პარტიული მიზნებისთვის.
„ერთიანი ნაციონალური მოძრაობის“ კანდიდატის არჩევამ საპარლამენტო ასამბლეის პრეზიდენტის პოსტზე შეიძლება ჩრდილი მიაყენოს ეუთოს სადამკვირვებლო მისიის შედეგების ობიექტურად და დაბალანსებულად აღქმას“,-ნათქვამია განცხადებაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.