პარტია „ერთიანი ნაციონალური მოძრაობის“ ერთ-ერთი წევრის, გიგი წერეთლის განცხადებით, „ქართულ ოცნება“ პარანოიის ფაზაში შევიდა.

ის „ქართული ოცნების“ წევრებს ურჩევს, ნუ იქნებიან დაძაბულები და მოეშვან.

„მე ვფიქრობ, რომ ყველაფერი უკვე პარანოიის ფაზაში გადავიდა, ესეც დიაგნოზია. ყველაფერი ეჩვენებათ, დაძაბულები არიან და მოეშვან, რატომ არიან დაძაბულები? 4 წელია ვიცე-პრეზიდენტი ვარ და არ მგონია, რომ რაიმე დიდი დარტყმა მიეღოთ ჩემგან. მე ჩემს ქვეყანას ვეხმარები და არა „ნაციონალურ მოძრაობას“ ან „ქართულ ოცნებას“. ვფიქრობ, ეს ძალიან დიდი სისუსტის ნიშანია. სწორედ ის არის ანტიქართული და ანტიევროპული კამპანია, რასაც დღეს „ქართული ოცნება“ აწარმოებს და ზოგადად, სადაც იხარშება ეს პარანოია. უბრალოდ სასაცილოა ამაზე ლაპარაკი“, - განაცხადა გიგი წერეთელმა.

დღეს ცსაპარლამენტო უმრავლესობის წევრმა, გია ვოლსკიმ განაცხადა, რომ შესაძლოა ეუთო-ს საპარლამენტო ასამბლეის პრეზიდენტის პოსტზე გიგი წერეთლის კანდიდატურის მხარდაჭერა „ევროპის სახალხო პარტიისა“ და რუსეთის მოლაპარაკებების საგანია.

„ევროპის სახალხო პარტიამ“ გიგი წერეთლის კანდიდატურა ეუთო-ს ასამბლეის პრეზიდენტის პოსტზე წარადგინა. კენჭისყრა ხვალ გაიმართება.