აშშ–ს სახელმწიფო მდივანთან ჯონ ქერისთან გამართული შეხვედრისა და ერთობლივ დოკუმენტებზე ხელმოწერების ცერემონიის დასრულების შემდეგ საქართველოს პრემიერ მინისტრმა მედიისთვის განცხადება გააკეთა იმასთან დაკავშირებით, თუ რა თემები განიხილეს ორმხრივი შეხვედრისას. გიორგი კვირიკაშვილმა აღნიშნა, რომ ერთ–ერთი საკითხი ამერიკული ორგანიზაციის "USAID" –ს პროექტის ზრდას შეეხებოდა, რაც პრემიერის თქმით, დამატებით 2 ათასამდე სამუშაო ადგილს შექმნის.

"განვიხილეთ "USAID"-ს ახალი პროექტის ზრდა, რომელიც მიზნად ისახავს საქართველოს რეგიონებში, განსაკუთრებით კი ოკუპაციის ხაზთან სიახლოვეს, მიმდებარე რეგიონებში, ეკონომიკური ზრდის ხელშეწყობას. წინასწარი გათვლებით, პროექტის განხორციელების შედეგად ქვეყნის 5 რეგიონში შეიქმნება 2 ათასამდე ახალი სამუშაო ადგილი", – განაცხადა კვირიკაშვილმა.