პარლამენტის წევრი, ”მრეწველების” ერთ-ერთი ლიდერი ზურაბ ტყემალაძე ნატოს ვარშავის სამიტზე საქართველოს შესახებ არავიტარ სიახლეს არ ელოდება. დღეს გამართულ პრეს კონფერენციაზე მან თქვა, რომ საქართველო ნატო-ს წევრი ქვეყანა ვერ გახდება, რაც მსოფლიო ლიდერებმაც მკაფიოდ განაცხადეს.

”ნატო-ს სამიტი მიმდინარეობს ვარშავაში და არაფერ სიახლეს, გულწრფელად გეტყვით, არ ველოდები. არის ყოველთვის მოგონილი პოსტულატები იმასთან დაკავშირებით, რომ აი, ახლა ჩვენ მივაღწიეთ უფრო მეტს, უფრო მეტს და ა.შ. დამერწმუნეთ, დღეს არსებული სიტუაციიდან გამომდინარე, ნატო-ს წევრი ქვეყანა ვერ გავხდებით, საკმაოდ სერიოზული მიზეზების გამო, რომელიც არ დამალულა, არც აშშ-ის პრეზიდენტის, არც საფრანგეთის პრეზიდენტის, არც გერმანიის კანცლერის, არც დიდი ბრიტანეთის პრემიერ-მინისტრის და თავად ნატოს ხელმძღვანელობის მხრიდან”, - განაცხადა ზურაბ ტყემალაძემ.