მედიაჰოლდინგმა „კვირამ“ ახალი ვებგვერდის – Сyber.kvira.ge-ს პრეზენტაცია გამართა. Cyber.kvira.ge ნებისმიერ მომხმარებელს შესაძლებლობას მისცემს, მიიღოს მისთვის საინტერესო და საჭირო ინფორმაცია, როგორც საკუთარი პერსონალური მონაცემების დაცვის, ასევე ქვეყნის წინაშე არსებული უმნიშვნელოვანესი გამოწვევების შესახებ.
პროექტ Cyber.kvira.ge-ს შექმნის მთავარი მიზანი კიბერუსაფრთხოების კუთხით სამოქალაქო ცნობიერების ამაღლებაა.
პროექტის მხარდამჭერები და პარტნიორები არიან: საქართველოს თავდაცვის სამინისტროს კიბერუსაფრთხოების ბიურო, შინაგან საქმეთა სამინისტრო, იუსტიციის სამინისტროსთან არსებული მონაცემთა გაცვლის სააგენტო, პერსონალურ მონაცემთა დაცვის ინსპექტორის აპარატი.
ვებგვერდზე სისტემატურად გაშუქდება ინფორმაცია, როგორც პროექტის პარტნიორების მიერ კიბერუსაფრთხოების მიმართულებით განხორციელებული სამუშაოების, ღონისძიებების, აქტივობების შესახებ, ისე მსოფლიოში არსებული სიახლეები, პრობლემები, დაცვის მექანიზმები, ბლოგები, ინტერვიუები სპეციალისტებთან და სხვა.
პრეზენტაციაზე მიწვეულმა სტუმრებმა ხაზგასმით აღნიშნეს, რომ კიბერდანაშაულის პრევენციისთვის განსაკუთრებით მნიშვნელოვანია საზოგადოების ცნობიერების ამაღლება და ამ კუთხით მედიის აქტიური ჩართულობა.
ღონისძიება რუსთაველის გამზირზე მდებარე რესტორან DINEHALL -ში გაიმართა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.