პარასკევს (8 ივლისი 2016) ნატო–ევროკავშირის ერთობლივ დეკლარაციაზე ევროპის საბჭოს პრეზიდენტთან დონალდ ტუსკთან და ევროპული კომისიის პრეზიდენტთან ჟან–კლოდ იუნკერთან ერთად ხელმოწერის შემდეგ ნატოს გენერალურმა მდივანმა იენს სტოლტენბერგმა განაცხადა: "ერთიანობა და თანამშრომლობა ნატოსა და ევროკავშირს შორის რჩება ისეთი მნიშვნელოვანი, როგორიც ის არასდროს ყოფილა. ამ გაურკვევლობის დროში ჩვენი პარტნიორობა მზარდად არსებითია".

"ჩვენ დარწმუნებული ვართ, რომ ჩვენი მეზობლებისა და პარტნიორების ჩვენი ღირებულებების შესაბამისად გაძლიერებას, როგორც ეს გაეროს ქარტიაშია მოცემული, ჩვენი უსაფრთხოების, მდგრადი მშვიდობისა და აყვავებულობის საქმეში შეაქვს წვლილი. ამგვარად, ჩვენი მეზობლები და პარტნიორები უკეთ შემძლენი არიან უპასუხონ არაერთ გამოწვევას, რის წინაშეც დღეს ისინი დგანან. ჩვენ განვაგრძობთ მათი სუვერენიტეტის, ტერიტორიული მთლიანობის და დამოუკიდებლობის მხარდაჭერას, ისევე როგორც მათი რეფორმების მცდელობებს", – განაცხადა სტოლტენბერგმა.

ალიანსის გენერალურმა მდივანმა დაუყოვნებლივ შესასრულებელ ამოცანებს შორის დაასახელა, ნატოსა და ევროკავშირის შესაძლებლობების გაძლიერება ჰიბრიდული საფრთხეებისადმი წინააღმდეგობის გაწევის მხრივ, რაც ანალიზზე ერთობლივ მუშაობას, პრევენციას, ადრეულ გამოვლენას, თანამშრომლებს შორის სადაზვერვო მონაცემების გაზიარებას ითვალისწინებს. ასევე საუბარია ზღვაზე ერთობლივი საოპერაციო თანამშრომლობის გაფართოებაზე, კიბერ–უსაფრთხოების კუთხით თანამშრომლობის გაღრმავებასა და ადაპტირებაზე. უფრო მძლავრი თავდაცვითი ინდუსტრიის ხელშეწყობასა და უფრო დიდი თავდაცვითი კვლევების წარმოებასა და ინდუსტრიულ თანამშრომლობაზე ევროპის შიგნით და ატლანტიკის გარშემო; წვრთნებზე კოორდინაციაზე, მათ შორის ჰიბრიდული კუთხით; თავდაცვისა და უსაფრთხოების უნარების მშენებლობასა და ნატო–ევროკავშირის პარტნიორების –აღმოსავლეთით და სამხრეთით –მოქნილობის ხელის შეწყობაზე სპეციფიკური პროექტებით, ინდივიდუალურად, მიმღები ქვეყნებისთვის, მათ შორის საზღვაო შესაძლებლობების გაძლიერებაზე.