ავღანეთის ომის ფერადკანიანი ამერიკელი ვეტერანი, რომელმაც განაცხადა, რომ მას სურდა „თეთრკანიანი ადამიანების მოკვლა“, მარტო მოქმედებდა დალასში საპროტესტო აქციაზე ჩასაფრებული ადგილიდან განხორციელებული თავდასხმისას, რომლის დროსაც პოლიციის 5 ოფიცერი იქნა მოკლული, 7 პოლიციელი და ორი მშვიდობიანი მოქალაქე კი დაიჭრა. ამის შესახებ სააგენტო „როიტერსი“ ოფიციოზზე დაყრდნობით იუწყება.

პოლიციამ 25 წლის შეიარაღებული მამაკაცი, რომელიც იდენტიფიცირებულია, როგორც მიკი ჯონსონი, ავტომანქანების პარკირების ადგილას ფარეხთან მიმწყვდევისა და რამდენიმე-საათიანი გამოუვალი მდგომარეობის შემდეგ, მოკლა.

ახლომდებარე გარეუბან მესქიტში, ჯონსონის სახლის ჩხრეკისას „ბომბის დამამზადებელი ნივთიერებები, ბალისტიკური ჟილეტები, შაშხანები, საბრძოლო მასალები და საბრძოლო ტაქტიკების პერსონალური ჟურნალები“ აღმოაჩინეს, განაცხადა პარასკევს დალასის პოლიციამ. პოლიციის თქმით, ჯონსონს მანამდე კრიმინალური ისტორია არ ჰქონია.

დალასის მერმა მაიკლ როლინგსმა განაცხადა, რომ ჯონსონს დაწერილი ჰქონდა „მანიფესტი“ სამხედრო სტილის ტაქტიკებზე და სოციალურ მედიაში, რაც ჯონსონს დარჩა, ჩანს, რომ მას გამოწერილი ჰქონდა „მებრძოლი შავკანიანი ნაციონალისტების იდეოლოგია“.

დალასის პროტესტი ოთხშაბათს მინესოტაში შავკანიანი მამაკაცის, ფილანდო კასტილესა და სამშაბათს ლუიზიანაში, ასევე შავკანიანი ალტონ სტერლინგის მკვლელობას მოჰყვა.

დალასის პროტესტი იმ რამდენიმეთაგან ერთ-ერთი იყო, რომელიც შეერთებული შტატების სხვადასხვა ადგილას მიმდინარეობდა. ქუჩაში გამოსული ადამიანები აფრო-ამერიკელების მიმართ პოლიციის მხრიდან ძალის საბედისწერო გამოყენებას აპროტესტებდნენ.

შეერთებული შტატების პრეზიდენტმა ბარაქ ობამამ განაცხადა, რომ "ყველა პატიოსანი ადამიანი შეწუხებული უნდა იყოს" პოლიციის მიერ შავკანიანი ამერიკელების ხშირი მკვლელობით.

ობამამ სტატისტიკა მოიშველია, რომლის მიხედვითაც უფრო მეტადაა მოსალოდნელი, რომ პოლიციის ოფიცრების მიერ აფრიკელი ამერიკელები იქნენ მოკლულნი, ვიდრე თეთრკანიანი მოქალაქეები.

"როდესაც ამის მსგავსი ინციდენტები ხდება, ჩვენი თანამოქალაქეების დიდ ნაწილს აქვს შეგრძნება, რომ ეს კანის ფერის გამო ხდება და შავკანიანებს არ ეპყრობიან ისე, როგორც თეთრკანიანებს, და ეს მტკივნეულია", – განაცხადა ობამამ.

ოთხშაბათს, მინესოტაში პოლიციის მიერ მოკლული შავკანიანი პილანდო კასტილეს მეგობარმა გოგომ მკვლელობის მომენტი სოციალური ქსელის მეშვეობით პირდაპირ ეთერში გაუშვა, სადაც ჩანს, რომ მამაკაცი სისხლით არის დაფარული და პოლიციის ოფიცერს მასზე იარაღი აქვს მიდებული.

მეგობარი გოგოს თქმით, მას იარაღი ესროელს მაშინ, როცა იგი მძღოლის მოწმობას მისწვდა.

ეს ინციდენტი, სამშაბთს პოლიციის მიერ მეორე შავკანიანი მამაკაცის ალტონ სტერლინგის მკვლელობის შემდეგ მოხდა.

კასტილე, სეინტ პოლის გარეუბანში, ფალქონ ჰაიტში იმის გამო გააჩერეს, რომ ავტომანქანას სინათლის უკანა მაჩვენებელი ჰქონდა დამტვრეული. სანამ მას ესროდნენ, მან ოფიცერს უთხრა, რომ მას გააჩნდა ლიცენზია ეტარებინა იარაღი. ეს იარაღი მის მფლობელობაში გააჩნდა, განაცხადა ადგილობრივი მედიის მიერ ლავიშ რეინოლდად იდენტიფიცირებულმა ქალმა.

"თქვენ ესროლეთ 4 ტყვია მას, სერ. იგი ის–ის იყო მის ლიცენზიას და რეგისტრაციას იღებდა, სერ", – აცხადებს რეინოლდი ვიდეოში.

ამ დროს ბავშვი, რეინოლდის შვილი, მანქანაში იმყოფებოდა. პოლიციის განცხადებით, მომხდართან დაკავშირებით გამოძიება მიმდინარეობს და ოფიცერი, რომელიც ამ ინციდენტში იყო ჩართული, შვებულებაშია გაშვებული.

32 წლის კასტილე, მონტესორის სკოლის კაფეტერიაში სუპერვაიზერად მუშაობდა.