სამხრეთ სუდანს, პრეზიდენტისა და პირველი ვიცე პრეზიდენტის მომხრეებს შორის მასშტაბური კონფლიქტის განახლების გამო, დიპლომატები ტოვებენ.
დიპლომატიური მისიის თანამშრომელთა ევაკუაციის გადაწყვეტილება უკვე მიიღეს შეერთებულმა შტატებმა და იაპონიამ.
გაერო-ს უშიშროების საბჭომ დაჟინებით მოუწოდა ორივე მხარეს, რომ დაასრულონ ბრძოლები. გაერო სამხრეთ სუდანში უფრო მეტი სამშვიდობო ძალების განლაგების გეგმას განიხილავს.
მიმომხილველების განცხადებით, ნათელია, რომ გასული წლის აგვისტოს ორ მთავარ ჯგუფს შორის დადებული სამშვიდობო შეთანხმება ახალგაზრდა ქვეყანაში "ძაფზე არის ჩამოკიდებული".
300-ზე მეტი ადამიანი არის მოკლული, მათ შორის, ბევრი სამოქალაქო პირი და ჩინეთის მშვიდობისმყოფელები ჯუბაში განახლებული ბრძოლების შედეგად.
შეტაკებები თავდაპირველად ხუთშაბათსა და პარასკევს დაიწყო, როდესაც პრეზიდენტის, სალვა კიირის ერთგული ჯარები და ჯარისკაცები, რომლებიც მხარს უჭერენ ვიცე პრეზიდენტს, რიკ მაჩარს, ერთმანეთს დაუპირსპირდნენ.
შაბათს, სიტუაციის დამშვიდების შემდეგ, რაც სამხრეთ სუდანის სუდანიდან გამოყოფის დამოუკიდებლობის მეხუთე წლისთავის ზეიმს უკავშირდებოდა, კვირას ბრძოლები ისევ განახლდა.
სამხრეთ სუდანის პრეზიდენტმა და ვიცე პრეზიდენტმა, რომლებიც 2013 წელს დაწყებულ სამოქალაქო ომში ერთმანეთს ორი წელი ებრძოდნენ, მოწოდების ერთობლივი განაცხადი გააკეთეს მას შემდეგ, რაც ხუთშაბათს, მათ მომხრეებს შორის შეტაკებები დაიწყო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.