კონტროლის პალატის ყოფილი თავმჯდომარისთვის, სულხან მოლაშვილისთვის კომპენსაციის გადასახდელად იუსტიციის სამინისტროს 22 ათასი ევრო გამოეყო.
პრემიერ-მინისტრის ბრძანების თანახმად, აღნიშნული თანხა სტრასბურგის ადამიანის უფლებათა დაცვის სასამართლოს გადაწყვეტილების აღსრულებას მოხმარდება.
22 ათას 223 ევრო იუსტიციის სამინისტროს წინა წლებში წარმოქმნილი დავალიანებების დაფარვისა და სასამართლო გადაწყვეტილებების აღსრულების ფონდიდან გამოეყო.
ადამიანის უფლებათა ევროპული სასამართლოს გადაწყვეტილების თანახმად, კონტროლის პალატის ყოფილი ხელმძღვანელის სასარგებლოდ ხელისუფლებას კომპენსაციის სახით 20 ათასი ევროს გადახდა დაეკისრა. ხელისუფლება ასევე ვალდებულია, 1 წლის ვადაში მოლაშვილის საქმის ხელახალი გამოძიება ჩაატაროს და მის წამებაში მონაწილე პირები დასაჯოს.
სასამართლომ საქმეზე „სულხან მოლაშვილი საქართველოს წინააღმდეგ“ განაჩენი 2014 წლის 30 სექტემბერს გამოიტანა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.