თავდაცვის მინისტრის, თინა ხიდაშელის განცხადებით, ის პატივს სცემს, გარემოსა და ბუნებრივი რესურსების დაცვის მინისტრის, გიგლა აგულაშვილის გადაწყვეტილებას „რესპუბლიკური პარტიის“ დატოვების შესახებ, თუმცა არ ეთანხმება.
„ადამიანების არჩევანს პატივს ვცემ, სანამ მჯერა, რომ ადამიანები წესიერი და სწორი ღირებულებების მატარებლები არიან, გიგლა ნამდვილად ასეთია, ამიტომ, მე მას წარმატებებს ვუსურვებ, თუმცა, რა თქმა უნდა, არ ვეთანხმები მის არჩევანს“ - განაცხადა თინა ხიდაშელმა.
გუშინ „რესპუბლიკური პარტიის“ პრესკონფერენციაზე ცნობილი გახდა, რომ ორი „რესპუბლიკელი” მინისტრი - თავდაცვის მინისტრი თინა ხიდაშელი და შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი თანამდებობებს ტოვებენ. გარემოსა და ბუნებრივი რესურსების დაცვის მინისტრი გიგლა აგულაშვილი კი თანამდებობაზე დარჩა და „რესპუბლიკური პარტია“ დატოვა.
თინა ხიდაშელი თავდაცვის მინისტრის პოსტზე ჯერჯერობით რჩება, ამ საკითხზე მას კონსულტაციები პრემიერთანაც ჰქონდა.
„აშშ-ში დაგეგმილია მემორანდუმის შესაბამის გეგმაზე მუშაობა, ამიტომ ახლა მე ამერიკაში გავემგზავრები, ამ პროცესს დავასრულებ და იქიდან დაბრუნების შემდეგ უკვე გადადგომის კონკრეტულ რიცხვზე შევთანხმდებით. პოლიტიკური გადაწყვეტილება ცნობილია“, - განაცხადა ხიდაშელმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.