მივმართავ პერსონალურად სამოქალაქო კოლეგიის პალატის შემადგენლობას, მოსამართლეებს, გასიტაშვილს, ქათამაძეს, ალავიძეს, ბაქაქურს, ძლიერიშვილს და თოდუას - თქვენ წერთ დღეს საქართველოს ისტორიას. თქვენი განჩინების ფურცლებით დაიწერება საქართველოს ისტორია, - განაცხადა სამაუწყებლო კომპანია "რუსთავი 2"-ის გენერალურმა დირექტორმა, ნიკა გვარამია ტელევიზიის ეზოში საგანგებოდ გამართულ ბრიფინგზე.
"ქალბტონ მზია თოდუას მივმართავ, რომელიც პალატის თავმჯდომარეა, რომ მიუხედავად ჩემი ღრმა პატივისცემისა თქვენი კვალიფიკაციის და პერსონის მისამართით, ჩვენ არ გენდობით. თქვენ იყავით "ქართუს" იურიდიული დეპარტამენტის ხელძღვანელი დანიშვნამდე, ჩვენი ინფორმაციით, გაქვთ ორი შეწირულობა გაკეთებული ბიძინა ივანიშვილის პარტიისთვის, ჯამში, 60 000 ლარი, ამიტომ ნუ განიხილავთ ამ საქმეს თუ დაგეწერათ და აიცილეთ.
კოლეგიაში 6 მოსამართლეა სულ, აქედან 4 კი არის დანიშნული საქართველოს პრეზიდენტის წარდგინებით. საქართველოს პრეზიდენტის პასუხისმგებლობაც უნდა იგრძნობოდეს ამ პროცესებშიც. 4 მოსამართლე, ანუ უმრავლესობა ექვსიდან არის სწორედ მისი ნომინაცია, მისი კანდიდატურები პარლამენტის მიერ დამტკიცებული. იმ შემთხვევაში, თუ ეს მოსამართლეები ბრმად იქნებიან შემსრულებლები ბრძანების, მაშინ ჩვენ უნდა მოვისმინოთ ახსნა-განმარტება საქართველოს პრეზიდენტისგან, თუ რა კრიტერიუმების საფუძველზე შეარჩია მან ისინი და წარადგინა პარლამენტში....
ნუ დაგვტოვებთ მართლმსაჯულების მიღმა, ნუ დაგვტოვებთ კანონგარეშედ, ნებისმიერ შემთხვევაში, კანონგარეშედ დარჩენილები ჩვენ მივცემთ ჩვენს თავს უფლებას, რომელსაც გვაძლევს ადამიანის უფლებათა საყოველთაო დეკლარაცია და დავიცავთ ჩვენს უფლებებსა და თავისუფლებებს.... ჩვენ ავირჩიეთ სამართლებრივი გზა და სამწუხაროდ, სამართლებრივმა გზამ არ მიგვიყვანა სიმართლის დადგენამდე....
მინდა, მოვუწოდო საკონსტიტუციო სასამართლოს. მე მესმის, რომ რთულია იმ ვითარებაში, როდესაც ორ-ორჯერ გიწევთ საქმეების განხილვა, იმ ვითარებაში, როცა ყოველი თქვენგანი არის ზეგავლენის ქვეშ, უმძიმესი ზეგავლენის ქვეშ და ჩვენ ამ ინფორმაციებსაც ვფლობთ, გადაწყვეტილების მიღება, განსაკუთრებით კანონიერი გადაწყვეტილების მიღება. მიუხედავად ამისა, გთხოვთ მთელი კოლექტივის სახელით, მიიღეთ გადაწყვეტილება, რომელიც შეესაბამება კანონს და კონსტიტუციას და მიიღეთ ეს გადაწყვეტილება რელევანტურ ვადებში. წინააღმდეგ შემთხვევაში, თქვენმა გადაწყვეტილებამ შესაძლოა, საერთოდ დაკარგოს აზრი. თქვენც დღეს ხართ სიმართლის უკანასკნელი ინსტანცია. ჩვენ აუცილებლად გავიმარჯვებთ ერთადერთი მიზეზის გამო - ჩვენ მართლები ვართ და ჩვენ ყველაფერს ვაკეთებთ იმისთვის, რომ უკეთეს ქვეყანაში ვიცხოვროთ,“ - განაცხადა ნიკა გვარამიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.