„ცენტრ პოინტის“ ერთ-ერთი დამფუძნებლის, მაია რჩეულიშვილის დის, რუსუდან კერვალიშვილის შვილის, ნინო დარასელის განცხადებით, „ცენტრ პოინტი“ არის კარგი მაგალითი იმის, თუ რა შეიძლება უქნას პოლიტიკურმა კატაკლიზმებმა წარმატებულ ბიზნესს.

დარასელი „ცენტრ პოინტის“ საქმეზე დაკავებული სალომე ჩარკვიანის და ირაკლი მინდელის გათავისუფლებას ითხოვს.

„პირველ რიგში მიუხედავად იმისა, რომ მე ვდგავარ ჩემი ძმის სასამართლოზე, არც ერთი წამი, გარდა იმისა, რომ არც ველი მის (გუკა რჩეულიშვილი) გათავისუფლებას არც ვითხოვ. მე ვითხოვ პირველ რიგში სალომე ჩარკვიანის გათავისუფლებას, იმიტომ, რომ ადამიანს იმის გარდა, რომ რაღაც ეტაპზე მუშაობდა „ცენტრ პოინტში“, არანაირი შეხება არ აქვს. ირაკლი მინდელზეც შემიძლია ზუსტად იგივე ვთქვა.

ყველა დაზარალებულს, რა თქმა უნდა, ვუხდი უდიდეს ბოდიშს, რომ ეს პრობლემები შეექმნათ, მაგრამ ეს პრობლემა მარტო ჩვენ არ დაგვემართა. „ცენტრ პოინტი“ არის ძალიან კარგი მაგალითი იმისა, სახელმწიფოში პოლიტიკურმა კატაკლიზმებმა რა შეიძლება უქნას წარმატებულ ბიზნესს“,- განაცხადა ნინო დარასელმა. 

საქალაქო სასამართლოს გადაწყვეტილებით, „ცენტრ-პოინტის” საქმეზე ბრალდებულებს – გურამ რჩეულიშვილს, მაია რჩეულიშვილს, ირაკლი მინდელს და სალომე ჩარკვიანს აღკვეთის ღონისძიების სახით გუშინ წინასწარი პატიმრობა შეეფარდათ. მოსამართლის გადაწყვეტილების გამოცხადების შემდეგ მაია რჩეულიშვილი დარბაზშივე აიყვანეს.