საქართველოს პრეზიდენტის მიერ აჭარის ავტონომიური რესპუბლიკის მთავრობის თავმჯდომარის თანამდებობაზე წარმოდგენილი ზურაბ პატარაძის კანდიდატურას აჭარის უმაღლესი საბჭოს რიგგარეშე სხდომაზე განიხილავენ.
პატარაძეს უმაღლესი საბჭოს 20 წევრიდან 11-ის ხმა სჭირდება აჭარის მთავრობის მეთაურის პოსტის დასაკავებლად, მმართველ გუნდს კი საკანონმდებლო ორგანოში 9 წარმომადგენელი ჰყავს.
საქართველოს პრეზიდენტმა გიორგი მარგველაშვილმა ზურაბ პატარაძე გუშინ რწმუნებულად დანიშნა და აჭარის უმაღლეს საბჭოს მთავრობის თავმჯდომარის პოსტზე დასამტკიცებლად წარუდგინა.
როგორც გიორგი მარგველაშვილმა განაცხადა, თუ აჭარის მთავრობის თავმჯდომარედ ზურაბ პატარაძე დამტკიცდება, ეს იქნება საქართველოს პრეზიდენტის, საქართველოს მთავრობისა და აჭარის უმაღლესი საბჭოს პოლიტიკური გადაწყვეტილება.
"ეს იყო აჭარის ხელისუფლების შეუფერხებელი ფუნქციონირებისთვის სავალდებულოდ გადადგმული ნაბიჯი. თუ ვინმეს მიაჩნია, რომ გარდა იმისა, რომ არც ერთ აჭარელს, მოქალაქეს არ შეექმნას პრობლემა, უფრო მაღალი პრიორიტეტი არსებობს, ჩემთვის ეს არგუმენტი არის სუსტი,"- განაცხადა პრეზიდენტმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.