60 ადამიანი ემსხვერპლა თურქეთში სამხედრო გადატრიალების მცდელობას. „როიტერსის“ ცნობით, აქედან სულ მცირე 42 ადამიანი ანკარაში დაიღუპა. "როიტერსი" თურქეთის ოფიციოზზე, იუსტიციის მინისტრზე დაყრდნობით იტყობინება, რომ მომხდარის გამო, ამ დროისთვის 336 ადამიანია დაპატიმრებული.

თუმცა, თურქული მედია, სახელმწიფოს კუთვნილი სააგენტო "ანატოლია" აცხადებს, რომ 754 ადამიანია დაკავებული. 29 პოლკოვნიკი და 5 გენერალი პოსტებიდან არის გადაყენებული. 

მარმარისიდან დაბრუნებულმა თურქეთის პრეზიდენტმა, სადაც ის შვებულებას ატარებდა, ათათურქის აეროპორტში შეკრებილ მის ათასობით მხარდამჭერს მიმართა: „მათ იარაღი ხალხის წინააღმდეგ აღმართეს, პრეზიდენტი, რომელიც ამომრჩევლის 52%-მა მოიყვანა ხელისუფლებაში, ქვეყნის სათავეში რჩება“. 

ერდოღანმა სამხედრო გადატრიალების მცდელობა ჩახშობილად გამოაცხადა და აღნიშნა, რომ არმიაში წმენდას დაიწყებს.

თურქეთის პრეზიდენტის ოფიციალურმა წარმომადგენელმა განაცხადა, რომ არმიამ F-16 ტიპის თვითმფრინავებით საჰაერო დარტყმები დაიწყეს პრეზიდენტის სასახლესთან განლაგებული ტანკების მიმართულებით, რომლებიც სამხედრო გადატრიალების მომხრეებს ეკუთვნით.

მანამდე კი თურქეთის დედაქალაქის პარლამენტის შენობასთან „როიტერსის“ ცნობით, დაბომბვები გრძელდებოდა.

ამ დრომდე არსებული ინფორმაციის მიხედვით, სტამბულში ტანკები კვლავ ქუჩებში რჩებიან. ზოგიერთი ტანკიდან ჩანს, რომ მიტოვებულია და მასთან ფოტოებს საზოგადოების წევრები იღებენ.

თუმცა, სამხედრო გადატრიალების ჯგუფმა "როიტერსისადმი" განცხადების სახით გაგზავნილ ელექტრონულ წერილში აღნიშნა, რომ ისინი არ დანებდებიან, მტკიცედ და თავდადებულად განაგრძობენ ბრძოლას.