თურქეთში სამხედრო გადატრიალების მცდელობისას გარდაცვლილთა რიცხვი 90-მდე გაიზარდა, 1 154 კი დაჭრილია, ამის შესახებ BBC თურქულ სააგენტო "ანადოლუზე" დაყრდნობით წერს. მოკლულთა შორის, "16 სამხედრო გადატრიალების მცდელობის მთავარი მონაწილეა".

ცოტა უფრო ადრე ვრცელდებოდა ინფორმაცია, რომ გარდაცვლილთა რიცხვი 60-ს შეადგენდა.

მარმარისიდან დაბრუნებულმა თურქეთის პრეზიდენტმა, სადაც ის შვებულებას ატარებდა, ათათურქის აეროპორტში შეკრებილ მის ათასობით მხარდამჭერს მიმართა: „მათ იარაღი ხალხის წინააღმდეგ აღმართეს, პრეზიდენტი, რომელიც ამომრჩევლის 52%-მა მოიყვანა ხელისუფლებაში, ქვეყნის სათავეში რჩება“.     

ერდოღანმა სამხედრო გადატრიალების მცდელობა ჩახშობილად გამოაცხადა და აღნიშნა, რომ არმიაში წმენდას დაიწყებს.