4 ადამიანია მოკლული ალმა–ატას ცენტრში უცნობი პირების მიერ პოლიციის განყოფილებასა და ეროვნული უსაფრთხოების კომიტეტის ადგილობრივ დეპარტამენტზე თავდასხმისას. ამის შესახებ "რია ნოვოსტი" წერს. ქალაქში ამჟამად ტერორისტული საფრთხის "წითელი", ყველაზე მაღალი რეჟიმი მოქმედებს.
თავდაპირველად ვრცელდებოდა ინფორმაცია, რომ ალმა–ატას ცენტრში მომხდარი თავდასხმის შედეგად მოკლული იყო სამი ძალოვანი, ამის შესახებ "რია ნოვოსტი" ქალაქის ტერორიზმთან ბრძოლის ოპერატიულ შტაბზე დაყრდნობით იუწყებოდა.
სააგენტოს ცნობით, რამდენიმე პოლიციელს დაზიანებები აქვს მიღებული, ზოგიერთი მათგანი კი რეანიმაციულ განყოფილებაშია მოთავსებული. სროლებს ალმა–ატას სხვადასხვა რაიონში ჰქონდა ადგილი.
ტერორიზმთან ბრძოლის ოპერატიული შტაბი იუწყება, რომ ერთ–ერთი დამნაშავე დაკავებულია, მე–2 კი იძებნება.
სამი პოლიციელი ურთიერთსროლებისას დაიღუპა. მოგვიანებით კი ცნობილი გახდა მეოთხე დაღუპულის შესახებ. როგორც "რია ნოვოსტი" წერს, იგი მძღოლი აღმოჩნდა, რომელიც ერთ–ერთი დამნაშავის შეპყრობას ცდილობდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.