თურქეთის პრეზიდენტის რეჯეფ თაიფ ერდოღანის პოსტიდან ჩამოგდების მცდელობის უმაღლესი კულმინაციისას, აჯანყებულების F-16 –ის მებრძოლი თვითმფრინავების მფრინავებს ერდოღანის თვითმფრინავი მიზანში ჰქონდათ ამოღებული. ამის შესახებ "როიტერსი" წერს.
თურქეთის ლიდერი სანაპირო ქალაქ მარმარისის ახლომდებარე დასასვენებელი ადგილიდან სტამბულში ბრუნდებოდა მას შემდეგ რაც სამხედროების ნაწილმა პარასკევს საღამოს სამხედრო გადატრიალება დააპირეს – გადაკეტეს ბოსფორის ხიდი, ცდილობდნენ სტამბულის მთავარი აეროპორტის აღებას და ანკარაში პარლამენტისკენ ტანკებს აგზავნიდნენ.
"სულ მცირე ორი F-16 ავიწროებდა ერდოღანის თვითმფრინავს, მაშინ როცა ის ჰაერში იმყოფებოდა და სტამბულის მიმართულებით მიფრინავდა. მათ გადაკეტეს თავიანთი რადარები მის თვითმფრინავში, ორი დანარჩენი F-16 კი იცავდა მას", განუცხადა "როიტერსს" ყოფილმა სამხედრო ოფიცერმა, რომელსაც მოვლენებზე წვდომა და ცოდნა გააჩნია.
"თუ რატომ არ ჩამოაგდეს ის, საიდუმლოა", თქვა მან.
ერდოღანის ჩამოგდების წარმატებული ოპერაცია, რომელიც დაახლოებით 80 მილიონიან ქვეყანას 2003 წლის შემდეგ მართავს, თურქეთს შეუჩერებელ კონფლიქტში ჩაითრევდა, რაც სხვა სეისმურ ძვრებს გამოიწვევდა ახლო აღმოსავლეთში, 5 წლის შემდეგ, რაც არაბულმა არეულობამ იფეთქა და მისი სამხრეთი მეზობელი სირია სამოქალაქო ომში ჩაითრია, – წერს "როიტერსი".
თურქეთის მაღალი რანგის ოფიციალურმა პირმა დაუდასტურა "როიტერსს", რომ ერდოღანის სამსახურებრივი თვითმფრინავი, რომელიც მარმარისიდან სტამბულისკენ მიფრინავდა, შეთქმულთა ორი F-16 –ის მიერ მიზანში იყო ამოღებული, მაგრამ მან მოახერხა სტამბულში უსაფრთხოდ ჩაფრენა. მეორე მაღალი რანგის ოფიციოზმა ასევე თქვა, რომ საპრეზიდენტო თვითმფრინავი "ხიფათში იმყოფებოდა", მაგრამ მას სხვა დეტალებზე არაფერი უთქვამს.
ერდოღანმა განაცხადა, რომ იმ დროს როცა სამხედრო გადატრიალების მცდელობა მაღალ ფაზაში შევიდა, შეთქმულები ცდილობდნენ მარმარისში მასზე თავდასხმას და ის ადგილები, სადაც იგი იმყოფებოდა, მისი დატოვებიდან მალევე დაბომბეს. იგი "სიკვდილს წუთებით გადაურჩა", – განაცხადა ერთ–ერთმა ოფიციალურმა პირმა.
თურქული CNN–ის ცნობით კი, სულ ცოტა ხანში, რაც ერდოღანმა მარმარისში სასტუმრო დატოვა, 25 ჯარისკაცი შვეულმფრენიდან თოკებით დაეშვა სასტუმროში. ჯარისკაცები ცეცხლსასროლი იარაღიდან ისროდენ.
პრემიერ მინისტრი ბინალი ილდიმირიც პირდაპირი სამიზნე იყო სტამბულში, სამხედრო გადატრიალების მცდელობისას და ძლივს გაექცა ხიფათს, თუმცა დეტალები არ გახმაურებულა.
ცეცხლსასროლი იარაღიდან სროლები და აფეთქებები გრძელდებოდა მთელი ღამე პარასკევს და შაბათს გამთენიისას ანკარასა და სტამბულში და ამბოხებული სამხედროები ცდილობდნენ ძალაუფლების ხელში ჩაგდებას, ანკარაში პარლამენტისა და თურქეთის სადაზვერვო სამსახურის შენობების აღებას. ერთხანს მათ სახელმწიფო ტელევიზიას უბრძანეს, წაეკითხათ განცხადება, რომლის მიხედვითაც ქვეყანაში კომენდანტის საათი იყო გამოცხადებული.
მაგრამ სამხედროების ნაწილის მცდელობა ჩაიფუშა, რადგან ერდოღანის ერთგულმა ძალებმა ამბოხებულები უკუაგდეს, სტამბულში დაბრუნებამდე კი თურქეთის ლიდერი მობილური ტელეფონით სატელევიზიო ვიდეო–ჩართვისას ხალხს ქუჩებსა და მოედნებში გამოსვლის, მისი მხარდაჭერისა და ამბოხებულებისათვის წინააღმდეგობის გაწევისაკენ მოუწოდებდა.
არეულობას თურქეთში 290–ზე მეტი ადამიანის სიცოცხლე ემსხვერპლა, მათ შორის 104 სამხედრო გადატრიალების მომხრე იყო, დანარჩენები კი ძირითადად სამოქალაქო პირები და პოლიციელები იყვნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.