„მე ვერ ვხსნი პარტიის ლიდერების ამ გადაწყვეტილებას. კრიტერიუმები რაც არის, ათივე თითზე რომ ჩამოვთვალო, არც ერთი კრიტერიუმით ისინი ჩემზე უკეთესები არ არიან“,-განაცხადა საპარლამენტო ურმავლესობის წევრმა, ომარ ნიშნიანიძემ იმერეთის მაჟორიტარი დეპუტატობის კანდიდატების წარდგენის შესახებ ჟურნალისტებთან საუბრისას.

მისი თქმით, წარდგენილი კანდიდატები მასზე უკეთესები არ არიან.

,,ჩვენ ისეთ ასაკში არ ვართ, რომ გული დამწყდეს რამეზე, თუმცა მოველოდი სხვა არჩევანს და ამას მარტო ჩემზე არ ვგულისხმობ, თუმცა მსგავსი რაღაცებიც ხდება.  მე ბევრად მეტი შანსი მქონდა, ვიდრე დასახელებულ კანდიდატებს. შესაბამისად, რესურსებიც და შანსიც მქონდა, რადგან მე ძველი გვარდია ვარ ,,ქართული ოცნების“. სწორედ ის ვარ, რომელიც ალბათ პირველივე ტურში მოიგებდა. ყველას წარმატებებს ვუსურვებ. ისინიც ,,ქართული ოცნების“ წევრები არიან. მე ვერ ვხსნი პარტიის ლიდერების ამ გადაწყვეტილებას. კრიტერიუმები რაც არის, ათივე თითზე რომ ჩამოვთვალო, არც ერთი კრიტერიუმით ისინი ჩემზე უკეთესები არ არიან“, - განაცხადა ომარ ნიშნიანიძემ.

ომარ ნიშნიანიძე იმერეთის მაჟორიტარი დეპუტატობის კანდიდატების წარდგენამდე ამბობდა, რომ ის სავარაუდოდ ქუთაისის 47-ე საარჩევნო ოლქში იყრიდა კენჭს.

გუშინ  პრემიერ მინისტრმა, გიორგი კვირიკაშვილმა ქუთაისში იმერეთის 11 მაჟორიტატი დეპუტატობის კანდიდატები წარადგინა, მათ შორის,  ქუთაისის მაჟორიტარობის კანდიდატებად კობა ნარჩემაშვილი, გენადი მარგველაშვილი და დიმიტრი მხეიძე დაასახელა.