ანალიტიკოსმა დემურ გიორხელიძემ საინფორმაციო-ანალიტიკურ პორტალ „კვირას“ პრესკლუბში ლარის კლების ტენდენციებსა და აღნიშნული პრობლემის გამომწვევ მიზეზებზე ისაუბრა. გიორხელიძის თქმით, ლარის კლება დიდწილად არასწორმა შიდა პოლიტიკამ და საერთაშორისო ასპარეზზე მიმდინარე პროცესებმა განაპირობა. „დოლარის გამყარება მსოფლიოში, კრიზისი რუსეთში, კრიზისი ევროპაში, ომი უკრაინაში, პრობლემები საბერძნეთში. მისი თქმით, თუ ყველაფერი სწორად გაკეთდა ლარი 2 და 2,15 შორის უნდა გაჩერდეს.

ამ ქვეყნებში მყოფი ასი ათასობით ჩვენი მოქალაქე უკვე იმ მოცულობის გადმორიცხვებს ვეღარ გააკეთებენ. მე ვფიქრობ, რომ გადმორიცხვები წელს 20-25% ით უფრო ნაკლები იქნება. მხოლოდ რუსეთიდან ჩვენი თანამემამულეების მიერ, საქართველოში მილიარდზე მეტი ფული ირიცხებოდა.

პროდუქცია არ იწარმოება, ექსპორტზე არ გადის, ვალუტის სტაბილური წყარო ქვეყანას არ გააჩნია, როგორც კი ტურისტების რაოდენობამ იკლო ეს იმწუთში აისახა შემოსავლებზე. სავალუტო შემოსავლები არ გვყოფნის და თავისთავად ლარმა დაიწყო კლება“, – აღნიშნა დემურ გიორხელიძემ. გიორხელიძე ლარის კურსის გამყარების კუთხით ეროვნული ბანკის პოლიტიკასაც შეეხო. მისი თქმით, მონეტარული პოლიტიკის გამკაცრება მცირე ხნით ლარს გაამყარებს, მაგრამ საბოლოოდ პრობლემებს უკვე ეკონომიკაში წარმოშობს. „ეროვნული ბანკის პოლიტიკა, მთავრობის პოლიტიკასთან კოორდინირებული არ იყო.

იმისთვის რომ ლარის სწრაფი ვარდა იქნას შეჩერებული, ფულის მიწოდება უნდა შეიზღუდოს. ამის შესახებ ეროვნული ბანკი მთავრობას მოელაპარაკა და შედეგად მივიღეთ ის რომ არაგეგმიური ხარჯი გაწეული არ იქნება. ეს ნიშნავს იმას რომ ეკონომიკას კვლავ მოაკლდა თანხები. ასეთ შემთხვევაში ლარის კლების შეჩერება შესაძლებელი იქნება, მაგრამ მე მიმაჩნია რომ ეს ძალიან მოკლევადიანი პოლიტიკაა. თუ ყველაფერი სწორად გაკეთდა ლარი 2 და 2,15 შორის უნდა გაჩერდეს. თუ ეკონომიკას ფული არ ექნა ის ვერ განვითარდება. მონეტარული პოლიტიკის გამკაცრება ნიშნავს იმას რომ ლარის კურსის ვარდნა დროებით შეჩერდება, მაგრამ ეროვნული ბანკის ინსტრუმენტებით შეუძლებელია იმ პრობლემების აღმოფხვრა რაც დღეს არის,თუ მთავრობა ეკონომიკას არ განავითარებს“ – განაცხადა დემურ გიორხელიძემ. დემურ გიორხელიძე ბუნებრივი აირის გაძვირებასაც გამოეხმაურა. მისი თქმით, ეს მოსახლეობის მოტყუებაა, რადგან კონტრაქტით, რომლითაც გაზი შეიძინება ყველგან ფიგურირებს ნავთობის ფასი. იმის გამო რომ ნავთობის ფასები ძალიან დაეცა გაზის ფასმაც შესაბამისად ყველა სხვა ქვეყანაში იკლო.