საქართველოს საგანგებო და სრულუფლებიანი ელჩი გერმანიაში ლადო ჭანტურია უზენაესი სასამართლოს თავმჯდომარის პოსტზე მისი კანდიდატურის წარდგენის შესახებ გავრცელებულ ინფორმაციას უარყოფს და ამბობს, რომ უზენაესი სასამართლოს თავმჯდომარის თანამდებობის მიმართ არავითარი ინტერესი არ აქვს.
„ამ თანამდებობის მიმართ მე არავითარი ინტერესი არ მაქვს. რომ მდომოდა, მე ამ თანამდებობაზე ვიყავი და იქიდან ჩემი ნებით წამოვედი. ასე რომ, ინფორმაცია იმასთან დაკავშირებით თითქოს მე კანდიდატებს შორის ვიყო დასახელებული, სინამდვილეს არ შეესაბამება“, – განაცხადა ჭანტურიამ.
უზენაესი სასამართლოს თავმჯდომარის პოსტზე ამ დრომდე რამდენიმე კანდიდატი დასახელდა. მათ შორის, „თავისუფალი დემოკრატების“ წევრი, დეპუტატი შალვა შავგულიძე, თბილისის სახელმწიფო უნივერსიტეტის ლექტორი ირაკლი ბურდული და „ახალგაზრდა იურისტთა ასოციაციის“ ყოფილი თავმჯდომარე ანა დოლიძე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.