გერმანელმა სამართალდამცველებმა, მიუნხენში თავდასხმასთან დაკავშირებით, თავდამსხმელის, ალი დავიდ სონბოლის მეგობარი, 16 წლის, წარმოშობით ავღანელი მოზარდი დააკავეს.
უცხოური მედიის ცნობით, ის ნებაყოფლობით მივიდა პოლიციის განყოფილებაში, სადაც მისი დაკითხვა მოხდა.
სამართალდამცველების განცხადებით, მას შესაძლოა დაგეგმილ თავდასხმაზე ჰქონოდა ინფორმაცია, თუმცა ამის შესახებ პოლიციაში არ განაცხადა.
მიუნხენში პარასკევს, 22 ივლისს, ადგილობრივი დროით დაახლოებით, 18:00 საათზე სავაჭრო ცენტრში, სწრაფი კვების რესტორან „მაკდონალდსის“ სიახლოვეს 18 წლის ირანული წარმოშობის გერმანელმა, დავიდ სონბოლმა თავდასხმა განახორციელა. მან ცეცხლსასროლი იარაღით 9 ადამიანი, მათ შორის ბავშვები მოკლა, შემდეგ კი თავი მოიკლა. თავდასხმის შედეგად დაახლოებით 27 ადამიანი დაშავდა. გერმანიის ძალოვანი უწყების წარმომადგენლები აცხადებენ, რომ მიუნხენში განხორციელებული თავდასხმის ავტორს კავშირები საერთაშორისო ტერორიზმთან არ ჰქონია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.