რუსეთის სახელმწიფო კომპანია „გაზპრომი“ ოკუპირებულ სამხრეთ ოსეთში შვილობილ საწარმოს გახსნის.

„სპუტნიკ ოსეტიას“  ცნობით, აღნიშნული საწარმო ე.წ. სამხრეთ ოსეთის გაზიფიკაციის საკითხებით დაკავდება.

„გაზპრომის“ წარმომადგენლები დღეს ცხინვალში იმყოფებოდნენ, სადაც დე-ფაქტო პრეზიდენტ ლეონიდ თიბილოვს შეხვდნენ.

როგორც „გაზპრომის“ წარმომადგენელმა, ვალერი გოლუბევმა შეხვედრაზე განაცხადა ბევრი ვარიანტი განიხილებოდა, თუმცა საბოლოოდ იმ ვარიანტზე გაკეთდა არჩევანი, რომელიც აპრობირებულია რუსეთის მიერ ბელორუსში, ყირგიზეთსა და სომხეთში.

„ბელორუსში, ყირგიზეთსა და სომხეთში არის ჩვენი შვილობილი საწარმოები, „გაზპრომს“ კი აკისრია პასუხისმგებლობა მათი ფუნქციონირებისთვის, ამ ქვეყნების ტერიტორიაზე გაზის მიწოდებისთვის, გაზის სატრანსპორტო სისტემის განვითარებისთვის. ანუ „გაზპრომი“ პასუხისმგებელია გაზის დარგის ფინანსური, ეკონომიკური და იურიდიული საქმიანობისთვის“, - განაცხადა ვალერი გოლუბევმა.