ბერნი სანდერსმა პარტიის ყრილობაზე სიტყვით გამოსვლისას დაჟინებით მოუწოდა დემოკრატებს მაქსიმალური მხარდაჭერა აღმოუჩინონ ჰილარი კლინტონს გახდეს შეერთებული შტატების პრეზიდენტი. ამის შესახებ BBC წერს.
ვერმონტის სენატორს სამწუთიანი, ფეხზე მდგომი ოვაციით შეხვდნენ ყრილობის მონაწილეები ფილადელფიაში, როცა ის სცენაზე ავიდა.
"ჰილარი კლინტონი უნდა გახდეს შეერთებული შტატების შემდეგი პრეზიდენტი", განუცხადა მან შეკრებილებს, რომლებმაც ოვაციებით იფეთქეს.
"მაშინ როდესაც ტრამპი დაკავებულია ხან ერთი ჯგუფის, ხან კი მეორე ჯგუფის შეურაცხყოფებით, ჰილარი კლინტონს ესმის, რომ ჩვენი მრავალფეროვნება არის ჩვენი ერთ–ერთი ყველაზე დიდი სიძლიერე", განაგრძო სანდერსმა.
"თუ თქვენ არ გჯერათ, რომ ეს არჩევნები მნიშვნელოვანია, თუ თქვენ ფიქრობთ, რომ შეიძლება მისგან განგზე გადგეთ, დაფიქრდით მცირე ხნით უზენაესი სასამართლოს მოსამართლეებზე, რომელსაც დონალდ ტრამპი დაასახელებს და რას მოუტანს ეს სამოქალაქო თავისუფლებებს, თანასწორუფლებიანობას და ჩვენი ქვეყნის მომავალს", – განაცხადა სანდერსმა.
კლინტონი დემოკრატიული პარტიის პრეზიდენტობის კანდიდატობაზე ოფიციალურად ხუთშაბათს დათანხმდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.