იური ვაზაგაშვილის მკვლელობაში ბრალდებულმა გიორგი სოსანაშვილმა პირველი კომენტარი გააკეთა. სოსანაშვილი აცხადებს, რომ მის მიმართ წაყენებული ბრალდება აბსურდულია და მას მკვლელობა არ ჩაუდენია.
“სრული სიცრუეა აღნიშნული ბრალდება, მე ეს არ ჩამიდენია,”- განაცხადა გიორგი სოსანაშვილმა სასამართლოს დარბაზში.
გიორგი სოსანაშვილს აღკვეთის ღონისძიებად პატიმრობა შეეფარდა. სასამართლო სხდომა უკვე დასრულებულია. სასამართლო სხდომის შემდეგ ჟურნალისტებთან კომენტარი გააკეთეს პროკურორებმაც. გამომძიებლებმა აღნიშნეს, რომ მიმდინარეობს გამოძიება და სწავლობენ სოსანაშვილის მიერ მკვლელობის დღეს განხორციელებულ ზარებს. პროკურორ ლევან ადეიშვილის განცხადებით, მიმდინარეობს იმ სატელეფონო ზარის შესწავლა, რომელიც ბრალდებულმა სოსანაშვილმა ასევე უკვე ბრალდებულ ირაკლი ფირცხალავასთან განახორციელა.
სოსანაშვილი პროკურატურამ 8 თებერვალს დააკავა. აღნიშნულ საქმეზე გამოძიება საქართველოს სისხლის სამართლის კოდექსის 109-ე მუხლის პირველი ნაწილის ,,გ” ქვეპუნქტით მიმდინარეობს, რაც სასჯელის სახით ითვალისწინებს თავისუფლების აღკვეთას 11-დან 14 წლამდე ვადით.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.