საპარლამენტო ფრაქცია „ქართული ოცნების“ თავმჯდომარის, გია ვოლსკის განცხადებით, არსებული პრობლემები ხელისუფლებამ გაცილებით უკეთ და უფრო ღრმად იცის, ვიდრე ამერიკის ეროვნულ-დემოკრატიული ინსტიტუტის, NDI-ის კვლევებშია ასახული.

მისი თქმით,  ნებისმიერი საკითხი, რომელიც სოციალურ, ეკონომიკურ, პოლიტიკურ პრობლემას უკავშირდება, რაც მსოფლიო მასშტაბის საომარი მოქმედებები მიმდინარეობს, გავლენას ახდენს ყველა ქვეყანაზე.

“თქვენ იცით ჩვენი დამოკიდებულება NDI-ის მიმართ. ამ უნდობლობის საფუძველზე არაერთხელ ითქვა - დამფინანსებელთან დაკავშირებით, თუ იმ ორგანიზაციასთან დაკავშირებით, ვინც კვლევებს უშუალად ატარებს, მაგრამ ახლა ეს არის არის მთავარი. ნებისმიერი საკითხი, რომელიც სოციალურ, ეკონომიკურ, პოლიტიკურ პრობლემას უკავშირდება, რაც საქართველოში არსებობს, განსაკუთრებით მას მერე, რაც მსოფლიო მასშტაბის საომარი მოქმედებები მიმდინარეობს, გავლენას ახდენს ყველა ქვეყანაზე, ჩვენს რეგიონზე, სავაჭრო პარტნიორებზე. ამასთან დაკავშირებით რომ მდგომარეობა შეიცვალა, სოციალური პრობლემები რომ წარმოიშვა და უმუშევრობის თემა რომ არსებობს, უმძიმესი მემკვიდრეობა რომ მივიღეთ, ეს მთავრობისთვის უცნობი თემა არ არის. მთავრობას ძალიან კარგად აქვს გათვითცნობიერებული, თუ რა პრობლემები არსებობს ქვეყანაში. ნებისმიერი პროექტი, რომელიც ქვეყანაში ხორციელდება, მიმართულია იმ პრობლემათა აღმოსაფხვრელად, რომელიც გაცილებით უკეთ და გაცილებით უფრო ღრმად ვიცით, ვიდრე კვლევებშია ასახული“, - განაცხადა გია ვოლსკიმ.