დონალდ ტრამპმა „აქტიურად გაამხნევა“ უცხო სახელმწიფოები ჰაკერული თავდასხმა მოახდინონ მისი საპრეზიდენტო მეტოქის, ჰილარი კლინტონის ელექტრონულ წერილებზე, აცხადებს ტრამპის ბანაკი.

BBC -ის თანახმად, კლინტონს გამოძიების ფარგლებში არ მიუწოდებია 30 000-სზე მეტი იმეილი მის კერძო იმეილის სერვერისთვის, რადგან ისინი შეიცავდა პირად დეტალებს.

„რუსეთო, თუ შენ ისმენ, მე ვფიქრობ შენ ხარ შემძლე იპოვო 30 000 იმეილი, რომელიც იძებნება“, განაცხადა ტრამპმა ოთხშაბათს.

„ვფიქრობ, შენ მძლავრად დაჯილდოვდებდი ჩვენი პრესის მიერ“.

იმეილები უნდა შეიცავდეს ზოგიერთ „მშვენიერებებს“, თქვა ტრამპმა. მალევე კი „თვითერზე“ დაწერა, რომ თუ ვინმეს ჰქონდა იმეიელები, მათ ისინი უნდა გადასცენ ფედერალურ საგამოძიებო ბიუროს.

მისი მიმართვა მას შემდეგ გავრცელდა, რაც რუსეთს ბრალი დასდეს დემოკრატიული ეროვნული კომიტეტის ელექტრონული წერილების ტრამპის სასარგებლოდ ჰაკერობაში. ორივე, რუსეთიც და ტრამპიც უარყოფენ ბრალდებებს.

„ეს პირველი შემთხვევაა, როცა მთავარი საპრეზიდენტო კანდიდატი აქტიურად ამხნევებს უცხო ქვეყნებს განახორციელონ შპიონაჟი მისი პოლიტიკური ოპონენტის წინააღმდეგ“, განაცხადა ჰილარი კლინტონის მთავარმა პოლიტიკურმა მრჩეველმა ჯეიკ სულივანმა.

„ეს კურიოზული საქმიდან და პოლიტკური საკითხიდან ეროვნული უსაფრთხოების საკითხად იქცა“.

ტრამპის კომენტარიდან ერთ საათში გავრცელებულ განცხადებაში მისმა ვიცე პრეზიდენტობის კანდიდატმა მაიკ პენსმა განაცხადა, რომ „სერიოზული შედეგები“ იქნება თუკი ფედერალური საგამოძიებო ბიურო დაადასტურებს, რომ რუსეთს გააჩნდა არჩევნებზე ჩარევის მცდელობა.

იმეილებმა გაჟონა „ვიკილიქსის“ ორგანიზაციაში და გამოქვეყნდა პარასკევს.

რის შესახებ იყო დემოკრატიული ეროვნული კომიტეტის ჰაკერული თავდასხმა?

ფედერალური საგამოძიებო ბიურო იძიებს, თუ როგორ მოხდა გაჟონვა იმეილების, რომელიც შეიცავდა იმ ელექტრონულ წერილებს, რომელიც აჩვენებდა მიმოწერას დემოკრატიული ეროვნული კომიტეტის ისეთი ოფიციალური პირებისა, რომლებსაც წესით ნეიტრალურად დარჩენას ავალდებულებს კანონი, მაგრამ მხარს უჭერდნენ ჰილარი კლინტონს და ამასხარავებდნენ მის დემოკრატიული პარტიიდან მეტოქეს, ბერნი სანდერსს.

კლინტონის კამპანიის მენეჯერმა რობი მუკმა განაცხადა, რომ რუსეთმა განახორციელა ჰაკერული თავდასხმა, რათა დაასუსტოს დემოკრატები და დაეხმაროს ტრამპს.

ოთხშაბათს NBC -ის ახალ ამბებთან ინტერვიუში პრეზიდენტმა ობამამ - რომლის მთავრობასაც თავად დასდეს ბრალი სხვა მთავრობებზე ჰაკერული თავდასხმების განხორციელებაში - უარი განაცხადა გამოერიცხა შესაძლებლობა იმისა, რომ რუსეთი იყო პასუხისმგებელი და დაამატა: „ის, რაც ჩვენ ნამდვილად ვიცით ისაა, რომ რუსები ჩვენს სისტემას ჰაკერულად ესხმიან თავს. არა მხოლოდ სამთავრობო სისტემებს, არამედ კერძო სისტემებსაც“.

რა იყო პასუხი?

კრემლის წარმომადგენელმა დიმიტრი პესკოვმა ოთხშაბათს განაცხადა, რომ რუსეთის პრეზიდენტმა პუტინმა „არაერთხელ თქვა, რომ რუსეთი არასოდეს ჩაერევა და არ ერევა სხვა ქვეყნების საშინაო საქმეებში, განსაკუთრებით საარჩევნო პროცესში“.

როდესაც პრესამ გამოიწვია ტრამპი დაეგმო უცხო ქვეყნების შეერთებული შტატების არჩევნებში ჩარევის შესაძლო მცდელობა, ტრამპმა უპასუხა: „არა, ეს მე არ მაბნევს.

„თუკი რუსეთი ან ჩინეთი, ანდა ნებისმიერი სხვა მსგავსი ქვეყანა ამ იმეილებს მიიღებს, უნდა ვიყო გულწრფელი თქვენთან, მე გამიხარდება მათი ნახვა“.

ფლორიდაში პრეს კონფერენციაზე, ტრამპმა განაცხადა, რომ „მას არაფერი არ ესაქმება რუსეთთან“.

როდესაც ჟურნალისტებმა ჰკითხეს, რომ რუსეთის პრეზიდენტი ვლადიმერ პუტინი შესაძლოა მხარს უჭერს მის გამარჯვებას საპრეზიდენტო არჩევნებში, მილიარდერმა თქვა, რომ იგი „არასოდეს შეხვედრია პუტინს. მე არ ვიცი, ვინ არის პუტინი“.

„რუსეთი არის გლობალური საფრთხე, რომელსაც უპატიოსნო ყაჩაღი ხელმძღვანელობს“, განაცხადა კონგრესის რესპუბლიკელი სპიკერის პოლ რაიანის წარმომადგენელმა ბრენდან ბუკმა. „პუტინი განზე უნდა გადგეს ამ არჩევნებიდან“.