ამერიკის ეროვნულ-დემოკრატიული ინსტიტუტის (NDI) კვლევის თანახმად, გამოკითხულთა 27 პროცენტის შეხედულებებთან ახლოს არც ერთი პოლიტიკური პარტია არ დგას.

კითხვაზე, რომელი პარტია დგას თქვენს შეხედულებებთან ყველაზე ახლოს, გამოკითხულთა 19 პროცენტი აცხადებს, რომ „ქართული ოცნება“, 15 პროცენტისთვის - „ნაციონალური მოძრაობა“, 10 პროცენტმა კი არ იცის.

მოძრაობა „პაატა ბურჭულაძე  - სახელმწიფო ხალხისათვის“ ყველაზე ახლოს დგას გამოკითხულთა 5 პროცნტისთვის, „პატრიოტთა ალიანსი“ - 5 პროცენტისთვის,  „თავისუფალი დემოკრატები“ – 4 პროცენტისთვის, „ლეიბორისტული პარტია“ -  4 პროცენტისთვის, ხოლო სხვა პარტიები 6 პროცენტისთვის.

კვლევის საველე სამუშაოები მიმდინარე წლის 8 ივნისიდან 6 ივლისის პერიოდში ჩატარდა და საქართველოს მასშტაბით, პირისპირ ინტერვიუს წარმომადგენლობითი შერჩევის საფუძველზე 4 113 ადამიანი გამოიკითხა.    

NDI-ის კვლევებს შვედეთის საერთაშორისო განვითარების და თანამშრომლობის სააგენტო (Sida) აფინანსებს და CRRC – საქართველო ატარებს.    

საშუალო ცდომილების ზღვარი +/-2.1%-ია.