ამერიკის ეროვნულ-დემოკრატიული ინსტიტუტის (NDI) კვლევის თანახმად, ხვალ რომ საპარლამენტო არჩევნები იყოს, გამოკითხულთა 17 პროცენტი ხმას „ქართულ ოცნებას“ მისცემდა, 13 პროცენტი კი - „ნაციონალურ მოძრაობას“.

კვლევის თანახმადვე, გამოკითხულთა 38 პროცენტმა არ იცის ვის მისცემდა ხმას, 14 პროცენტმა პასუხზე უარი განაცხადა, 5 პროცენტი არც ერთ პარტიას არ მისცემდა ხმას, 4 პროცენტი - მოძრაობას „პაატა ბურჭულაძე სახელმწიფო ხალხისათვის“, 3 პროცენტი - „პატრიოტთა ალიანსს“, ხოლო სხვა პარტიებს - 7%.

სხვა პარტიებში კი შედიან: ”თავისუფალი დემოკრატები”, ლეიბორისტული პარტია”, ”დემოკრატიული მოძრაობა”, ”გირჩი”, რესპუბლიკური პარტია”, ”თავისუფალი საქართველო”, ”ქართული პარტია”, ”ეროვნული ფორუმი”, ”კონსერვატიული პარტია”, ”ქართული დასი”, ”მრეწველები”, ”მემარცხენე ალლიანსი” და ”ახალი მემარჯვენეები”.

კვლევის საველე სამუშაოები მიმდინარე წლის 8 ივნისიდან 6 ივლისის პერიოდში ჩატარდა და საქართველოს მასშტაბით, პირისპირ ინტერვიუს წარმომადგენლობითი შერჩევის საფუძველზე 4 113 ადამიანი გამოიკითხა.

NDI-ის კვლევებს შვედეთის საერთაშორისო განვითარების და თანამშრომლობის სააგენტო (Sida) აფინანსებს და CRRC – საქართველო ატარებს.

საშუალო ცდომილების ზღვარი +/-2.1%-ია.