თურქეთში ძალოვანებს ნატო-ს ბაზა „ინჯირლიკი“ აქვთ დაბლოკილი. თურქეთის ევროპულ საქმეთა მინისტრის განცხადებით, ბაზაზე მხოლოდ უსაფრთხოების შემოწმება მზადდება.
მისივე ინფორმაციით, ყველაფერი რიგზეა.
უცხოური მედიის ინფორმაციით, ბაზის ირგვლივ 7 000 ძალოვანი იმყოფება.
უსაფრთხოების შემოწმება მას შემდეგ გახდააუცილებელი, რაც ინფორმაცია გავრცელდა, რომ ბაზასთან ახლომდებარე ქალაქ ადანში სახელმწიფო გადატრიალება მზადდებოდა.
„ინჯირლიკის“ ბაზა, ერთდროულად, თურქი და ამერიკელი სამხედროების მიერ გამოიყენება.
გუშინ თურქეთის სამხედროებმა 35 ქურთი მებრძოლი მოკლეს. თურქეთის ოფიციოზის განცხადებით, ქურთი მებრძოლები ქვეყნის სამხრეთ-აღმოსავლეთ ნაწილში სამხედრო ბაზის იერიშით აღებას ცდილობდნენ. ღამის შეტაკებებს წინ უძღოდა ერაყის საზღვრის სიახლოვეს მდებარე ჰაკარის პროვინციაში, ჩუკურჩას რაიონში ჯარისკაცებსა და მებრძოლებს შორის შეტაკებები, რომლის შედეგადაც რვა ჯარისკაცი დაიღუპა. სამხედროების განცხადებით, ბოლო ინციდენტისას, სამხრეთ-აღმოსავლეთში, ქურთისტანის მშრომელთა პარტიის მებრძოლები მიმდებარე ტერიტორიის დაზვერვისას შენიშნეს იმ დროს, როცა ისინი ცდილობდნენ ღამის პერიოდში ბაზისკენ წინ წაწევას. სამხედროებმა საჰაერო ოპერაცია წამოიწყეს, რა დროსაც 23 მებრძოლი მოკლეს. დანარჩენი 12 კი მოგვიანებით სახმელეთო შეტაკებებისას დაიღუპა, - ნათქვამია სამხედროების განცხადებაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.