„დათვლილია 2016 წლის პირველი კვარტალი და ტურიზმიდან შემოსავალმა 354 მილიონი შეადგინა, რაც 15,7%-ით მეტია გასულ წელთან შედარებით“, - განაცხადა პირველმა ვიცე-პრემიერმა, ეკონომიკისა და მდგრადი განვითარების მინისტრმა, დიმიტრი ქუმსიშვილმა ჟურნალისტებთან საუბრისას.

მან ასევე აღნიშნა, რომ ტურისტები მუდმივი ზრდა ფიქსირდება მეზობელი ქვეყნებიდან: თურქეთიდან, აზერბაიჯანიდან და სომხეთიდან.

„კარგი ზრდა გვაქვს, რა თქმა უნდა, ირანიდანაც და რამოდენიმე ასეულ პროცენტს შეადგენს ეს ზრდა. ასევე კარგი ზრდაა არაბთა გაერთიანებული საემიროებიდან.  ავიაკომპანია „ფლაი დუბაი“ პრაქტიკულად სამჯერ დაფრინავს ყოველდღე და სულ დატვირთულია. ძალიან სწორი გადაწყვეტილება იყო მიღებული, როდესაც ჩვენ თავის დროზე არა მხოლოდ არაბთა გაერთიანებული საემიროების მოქალაქეებს მივეცით უვიზოდ შემოსვლის უფლება, არამედ იმ ხალხსაც, ვისაც მიღებული აქვს იქ მცხოვრების სტატუსი. ჩვენ ახლა ვსაუბრობთ იმაზე, რომ არა მხოლოდ თბილისში, არამედ „ფლაი დუბაიმ“ დანარჩენი მიმართულებითაც გააფართოვოს თავისი გეოგრაფია“, -განაცხადა ქუმსიშვილმა.

მინისტრის განმარტებით, ძალიან საინტერესო აღმოსავლეთ ევროპა, საიდანაც ასევე იზრდება ტურისტების რაოდენობა, ასევე ტურისტების რაოდენობის ზრდა ფიქსირდება რუსეთიდან და უკრაინიდან.

„7 თვის განმავლობაში საერთაშორისო ვიზიტორების რაოდენობამ 3 400 000-ზე მეტი ადამიანი შეადგინა და ეს არის 11%-იანი ზრდა წინა წელთან შედარებით. ივლისის თვეშიც ძალიან კარგი ზრდა დაფიქსირდება და საერთო ჯამში 764 ათასზე მეტი საერთაშორიო მოგზაური ჩამოვიდა.