დიდი იმედი მაქვს, რომ თავდაცვის სამინისტროში არ გადაიხედება სავალდებულო გაწვევის გაუქმების შესახებ გადაწყვეტილება, - აღნიშნული განცხადება თავდაცვის ყოფილმა მინისტრმა, თინა ხიდაშელმა გააკეთა.
„სავალდებულო გაწვევის გაუქმებას თავდაცვის სამინისტროში ბევრი მიზეზი აქვს, მაგრამ მთავარი მიზეზი ის არის, რომ არ შეიძლება ქვეყანაში გყავდეს უფასო მუშა ხელი და 18-19 წლის ახალგაზრდებს ვიყენებდეთ მონური შრომისთვის. ეს ძალიან პრინციპული გადაწყვეტილება იყო და თავდაცვის სამინისტროს ამ გადაწყვეტილების გარეშე ვერ დავტოვებდით. არგუმენტები ძალიან ბევრია, რომ 21-ე საუკუნეში ახალგაზრდები არ გამოიყენონ უფასო მუშა-ხელად, ხოლო არგუმენტები იმის სასარგებლოდ, თუ რატომ უნდა გყავდეს ასეთი წვევამდელები ჯარში, არ არსებობს.
დიდი იმედი მაქვს, რომ არა თუ თავდაცვის სამინისტროში არ გადაიხედება ეს გადაწყვეტილება, არამედ საერთოდ, ქვეყანა მიიღებს ამ ძალიან მნიშვნელოვან, მარტივად მისაღებ გადაწყვეტილებას, რომელსაც სჭირდება პატარა გამბედაობა და უარს იტყვის სავალდებულო გაწვევაზე ყველა სტრუქტურაში. ჩემი აქტი ეხება მხოლოდ თავდაცვის სამინისტროს. ასეთი გადაწყვეტილებები სწრაფად უნდა მიიღონ სხვა უწყებებში“, - აღნიშნა თავდაცვის ყოფილმა მინისტრმა.
თინა ხიდაშელმა მინისტრის თანამდებობის დატოვებამდე რამდენიმე კვირით ადრე გამოსცა აქტი, რომლითაც თავდაცვის სამინისტროში სამხედრო სავალდებულო სამსახურში გაწვევა შეჩერდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.