"მე ვეღარ ვხედავ ჩემს თავს "თავისუფალ დემოკრატებში", - აღნიშნული განცხადება გორში ”თავისუფალი დემოკრატების” საარჩევნო შტაბის ყოფილმა უფროსმა და საკრებულოს წევრმა, დავით წეწვაძემ გააკეთა.
დავით წეწვაძემ პარტიის რიგები დატოვა და ”ქართულ ოცნებას” შეუერთდა.
”მე ამ პარტიასთან ერთად ვიდექი 2012 წელს, მე ამ პარტიასთან ერთად ვიდექი გუშინდელ დღემდე. განვითარებული მოვლენები ჩემთვის მოულოდნელი აღმოჩნდა. მე ჩემს გუნდთან ერთად მოტივირებული ვიყავი გამარჯვებისთვის, თუმცა, ისევე როგორც ჩემს უკან მდგომი თანაგუნდელები, იმედგაცრუებულები დავრჩით. მე ვეღარ ვხედავ ჩემს თავს ამ პარტიაში. ჩემთვის მიუღებელია „ნაციონალური მოძრაობასთან“ მიმსგავსებული იდეების მატარებელ პარტიაში ყოფნა. მე ეს მანკიერი მსგავსება გუშინ განვითარებულ მოვლენებში დავინახე, რომელსაც მე „ბინძურ თამაშს“ ვუწოდებ. ამიტომ, მივიღე გადაწყვეტილება დავტოვო პარტია „თავისუფალი დემოკრატები“ და შევუერთდე „ქართული ოცნება - დემოკრატიულ საქართველოს“.
მინდა მივმართო ირაკლი ალასანიას, რომ ”თავისუფალი დემოკრატების” გორის ორგანიზაციაში დარჩენილი პარტიის თითოეული წევრის მიმართ დაკისრებული პასუხისმგებლობა პირნათლად შეასრულოს. არ დავუშვებ, რომ რომელიმე მათგანი მოტყუებული დარჩეს.
ამ წუთიდან, მე ჩემს რესურსს ჩემი ქალაქის კეთილდღეობისთვის პარტია ”ქართული ოცნება - დემოკრატიული საქართველოს” წევრის ამპლუიდან მოვახმარ”, -აცხადებს დავით წეწვაძე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.