ტაილანდში კოორდინერებული აფეთქებების სამიზნე ტურისტული ქალაქები გახდა, რის შედეგადაც 4 ადამიანი დაიღუპა, ბევრი კი დაშავდა.

BBC –ის ცნობით, ბოლო 24 საათის განმავლობაში 4 ბომბი აფეთქდა საკურორტო ქალაქ ჰუაჰინში. ასევე რამდენიმე აფეთქება მოხდა პარასკევს კუნძულ ფუკეთზე.

ჯერჯერობით არც ერთ დაჯგუფებას არ აუღია პასუხისმგებლობა თავდასხმებზე, მაგრამ ეჭვები სეპარატისტ მეამბოხეებზეა.

როგორც BBC წერს, აფეთქებებისთვის მგრძნობიარე დროა შერჩეული, რადგან ტაილანდელები ეს დღეები დედოფლის დაბადების დღეს აღნიშნავენ.

პოლიციამ საერთაშორისო ტერორიზმის კვალი გამორიცხა და განაცხადა, რომ არ არის ნათელი იკვეთება თუ არა სამხრეთის ამბოხებულების კავშირი.

თუკი აღმოჩნდება, რომ ამ თავდასხმების უკან ამბოხებულები დგანან, მაშინ ეს ტაქტიკის მნიშვნელოვანი ცვლილება იქნება 12 წლის კონფლიქტის შემდეგ, რომელსაც 6 000–ზე მეტი ადამიანი ემსხვერპლა, მაგრამ მათი სამიზნე არასოდეს ყოფილა ტურისტები, აღნიშნავს BBC –ს ჟურნალისტი ჯონათან ჰედი ბანკონგიდან.