გორში „ნაციონალური მოძრაობის“ მაჟორიტარი დეპუტატობის კანდიდატი ბადრი ბასიშვილი საწარმო "კულას" დირექტორის განცხადებას ეხმაურება. ივანე გოგლიძემ დაადასტურა, რომ პარტიის ოფისში მინები მან ჩაამსხვრია.
ბასიშვილმა შინაგან საქმეთა სამინისტროს მომხდარზე რეაგირებისკენ მოუწოდა, თუმცა იქვე აღნიშნა, რომ რეაგირების მოლოდინი არ აქვს.
"მინდა მივმართო უწყებათაშორის კომისიას ბიზნესმენის, საწარმო „კულას“ დირექტორის, ივანე გოგლიძის განცხადებასთან დაკავშირებით მიიღოს შესაბამისი ზომები. გუშინ მან საჯაროდ განაცხადა, რომ თვითონ მოიჭრა ჩვენს ოფისში და ჩაამსხვრია მინები. მინდა მივმართო თავად ივანე გოგლიძეს - თავზეც რომ გადაიმტვრიოს მინები, მისი ძმა ალექსანდრე გოგლიძე არ აპირებს კანდიდატუტრის მოხსნას ქალაქში და ჩვენ აცილებლად გავიმარჯვებთ როგორც ქალაქში, ასევე რაიონში.
მინდა მივმართო შინაგან საქმეთა სამინისტროსაც და სამხარეო პოლიციის უფროსსაც, თუმცა რატომღაც არ მაქვს მოლოდინი, რომ ბიზნესმენ გოგლიძის საქციელზე რაიმე რეაგირება იქნება. მე ვპირდები ბიზნესმენ გოგლიძეს, რომ 9 ოქტომბერს აუცილებლად წარსდგება სამართლიანი სასამართლოს წინაშე, ხოლო მისი გამონათქვამები, თითქოს ჩვენს ოფისში სიცხე იყო და გაგრილდა.... ვნახოთ, ვინ ინატრებს 9 ოქტომბერს კარგ ჰაერს და ჟანგბადი ვის მოენატრება“, - განაცხადა ბასიშვილმა.
„ნაციონალური მოძრაობის“ გორის ოფისში დაპირისპირება ორი დღის წინათ მოხდა, რის შემდეგაც ოფისის მინები ჩაამსხვრიეს. გუშინ „კულას“ დირექტორმა, ივანე გოგლიძემ დაადასტურა, რომ მინები თავად „ჩამოხსნა“, ვინაიდან ოთახში უჰაერობა იყო.
"ნაციონალური მოძრაობის" ოფისში, გარემო და სიტუაცია ძალიან ბუნდოვანი და დახუთული იყო. პრაქტიკულად, ჰაერი არსაიდან არ შედიოდა და ეს პრობლემა უმტკივნეულოდ და ეფექტურად გადავუწყვიტე - მათ მიიღეს სუფთა ჰაერი და მიიღეს ახალი აზრები. თუ ეს დანაშაულია, მზად ვარ, პასუხი ვაგო. მე მყავს უამრავი მეგობარი „ნაციონალურ მოძრაობაშიც“ და სხვა პარტიებშიც, თუმცა საწარმო „კულა“ არც ერთ პოლიტიკურ პარტიას არ აფინანსებს და იგი მხოლოდ სამეწარმეო საქმიანობას ეწევა. აგვისტოს ბოლოს ჩვენ გორში კიდევ ერთი საკონსერვო გადამამუშავებელი საწარმოს გახსნას ვგეგმავთ. ჩვენი საქმიანობა სულ ესაა“, - აღნიშნა გოგლიძემ, რომლის ძმაც „ნაციონალური მოძრაობის“ რიგებიდან არჩევნებში გეგმავს მონაწილეობას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.