რეგიონული განვითარებისა და ინფრასტრუქტურის მინისტრის, ნოდარ ჯავახიშვილის განცხადებით, მცხეთიდან დიდგორამდე ახალი გზის მშენებლობა იგეგმება.
მინისტრის ინფორმაციით, ასევე დაგეგმილია დიდგორის მემორიალის მიმდებარე ტერიტორიის კეთილმოწყობაც.
”მზად გვაქვს პროექტი, რომლითაც გზა უნდა გავიყვანოთ მცხეთამდე. მონაკვეთი იქნება დაახლოებით 26 კილომეტრი. კარგ გზას გავაკეთებთ, ასე რომ, ეს არ იქნება მხოლოდ დიდგორთან მოსასვლელი გზა. ამ გზით სამხრეთ საქართველო დაუკავშირდება მცხეთას და აქედან ძალიან მალე ავტობანს. ვფიქრობ, ეს საკმაოდ საინტერესო და მნიშვნელოვანი გზა იქნება. გარდა ამისა, ბატონ მერაბ ბერძენიშვილთან ერთად ვაკეთებთ პროექტს, რომელიც 2 მილიონი დაგვიჯდება. იმედია, მომავალი დიდგორობისთვის დავამთავრებთ და აქ, ადგილზე, გაცილებით კეთილმოწყობილი იქნება ყველაფერი”, - განაცხადა ნოდარ ჯავახიშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.